Haukur Hagnaður lætur gamminn geysa

Hverfisgatan...

2010-09-10T07:06:00.003Z

Núna er komin í gang einhvers konar hjólreiða-tilraun á Hverfisgötunni. ÖLL bílastæði eru orðin græn með svona hvítum hjólaköllum á, og svo eru á nokkrum stöðum einhverjir grænir hringir yfir alla götuna. Norðan-megin á Hverfisgötunni er svo ekkert grænt (enda engin bílastæði) á þá koma bara hvítir hjólakallar á götuna. Bannað er að leggja í götunni og það er 30 km/klst hámarkshraði (man ekki hvort hann var hærri áður). Við sjáum mynd.

Hvernig er þetta svo að virka í framkvæmd?

Ég vinn sjálfur á Hverfisgötu, hjóla í vinnuna á hverjum degi og er áhugamaður um svona tilraunir. Ég hef hjólað götuna eftir breytingarnar, gengið hana endilanga og fylgist reglulega með.

Kalt mat. Þetta er algjört rugl. Í fyrsta lagi er 30 km./klst. hámarkshraðinn ekki virtur. Hver á réttinn er mjög óljóst. Hvað gerist t.d. þegar grænt bílastæði endar og verður að grænum hring? Á bíll að víkja? Á hjól að hjóla á miðri götunni þegar hjólað er í vesturátt? Má hjóla á gangstéttum? Og fleira.

Tilraunin stendur út september.

Svo er önnur tilraun að fara að hefjast með Suðurgötu. Það verður áhugavert.

Endurvakning?

2010-09-07T13:09:00.003Z

Sigurjón er að reyna að endurvekja bloggið, sem mér finnst góð hugmynd.

Facebook er gott að ýmsu leiti, en það vantar e-ð almennilegt material þar, s.s. detailaðar hjólasögur, golfblogg bestu bloggin, umfjöllun um Lakers, myndir af mér með Jack Bauer, o.s.frv.

Er þetta málið?

Endurvekja bloggið?

Er búið að drepa mogga-bloggið?

Eldsmiðjan - 10 ára gömul verð

2010-03-18T14:15:00.002Z

Ég fór á Eldsmiðjuna í hádeginu og fékk mér pizzu N, pepperoni special.

Í dag kostar þessi pizza - 16" - 1.655 kr., miðað við 10 ára gamalt verð.

Fullt verð í dag er hins vegar 2.595.

Hvað þýðir þetta?

* Jú, ég fæ 940 kr. afslátt af pizzunni, eða 36,22%.

* Pizzan hefur hækkað um 56,8% í verði á 10 árum.

Á sama tíma hefur vísitala neysluverðs hækkað um 82% og undirvísitala 011 (Matur) hefur hækkað um 64,8%. Heimild: Hagstofa Íslands.

Niðurstaða: Fín pizza, góður afsláttur, hófleg hækkun á síðustu 10 árum miðað við almennt verðlag.

Bjórrýni

2010-02-16T12:44:00.002Z

Um helgina málaði ég dótaherbergi stelpnanna barbie-bleikt. Gústi bróðir hjálpaði til við fyrri umferðina, en semi þunnur Ommidonna mætti í þá seinni.

Þegar maður málar að kvöldi til (og jafnvel á öðrum tímum) þarf maður bjór við hönd. Ég fór í Heiðrúnu. Ég gerðist alþjóðlegur, var í tilraunagírnum og keypti 4 tegundir af bjór.

1. Föroya Veðrur Pilsnar. Færeyjar. Góður.

2. Moosehead Lager. Kanada. Fínn.

3. Saku Originaal. Eistland. Ekkert spes.

4. Budweiser Budvar. Tékkland. Góður.

Aðrar ferskar hugmyndir?

Lakers

2010-02-11T13:16:00.004Z

Lakers hafa verið á óvenjulega og óvæntu rönni í síðustu leikjum, eftir að bæði Kobe og Bynum meiddust.

1. Fyrst mættu þeir Portland á útivelli, en þar höfðu Portland unnið Lakers í síðustu 15 af 17 leikjum, og 9 síðustu. Samt mæta Lakers á svæðið og pakka þeim saman, 99-82.

2. Næst taka Lakers á móti strákunum í San Antonio. Þar er sama saga, öruggur sigur 101-89 gegn fullmönnuðu liði Spurs.

3. Í nótt var svo heimsókn til mormónanna í Utah, en þeir höfðu unnið einhverja 10 leiki í röð, og voru sjóðandi heitir. En þetta var bara létt hjá Lakers, 96-81.

Að meðaltali 84 stig fengin á sig, miðað við 96,4 yfir tímabilið.

Hvað er þetta að segja okkur? Eru Lakers betri án Kobe og Bynum, getur það verið?

Eða var kannski meiddur Kobe ekki að gera nógu góða hluti, slæm hittni í mörgum leikjum, etc? Munu Lakers jafnvel verða óstöðvandi þegar hann snýr aftur eftir meiðslin?

Maður spyr sig.

All star helgin er svo framundan núna um helgina.

Þar verður Shannon "The human trampolin" Brown í aðalhlutverki.

Áfram Lakers.

Söndrusósa og Söndrudeig

2010-02-09T10:22:00.004Z

Það stendur yfir pizza-einvígi: Hagnaðurinn vs. Ommidonna.

Í grunninn höfum við verið að nota sama hráefni; sömu uppskrift að deigi, sömu sósu, etc.

Hins vegar elda ég mínar pizzur á pizzasteini í ofni, en hann er hins vegar með pizzaofn.

Fyrir helgi vildi Ommidonna meina að hann væri búinn að fullkomna sínar pizzur, gaf þeim 10 í einkunn, og hélt því fram að hann væri betri pizzabakari en ég. Ég fagnaði þessari áskorun, og bauð honum í pizzaboð um helgina. En mig vantaði tromp á hendi.

Trompin voru tvö, bæði nýtt deig og ný sósa, og var hún Sandra pool-meistari svo elskuleg að senda mér uppskriftir; og það engin smá details (sem ég reyndar sleppi hér), og leyfði mér að deila þeim með ykkur.

Pizzadeig:

1 1/2 bolli heilhveiti

1 tsk salt

1 msk extra virgin ólífuolía

1 tsk þurrger (leyst upp í 1/2 bolla af rúmlega volgu vatni)

5 tsk clover honey (eða annað hunang)

Aðferð: Hveiti og salt blandað saman, hinu bætt í, hnoðað, látið hefast í 1 klst plús.

... þetta dugar í svona ca. eina og hálfa 12 tommu.

Pizzasósa:

1 msk ólífuolía

1 tsk choppaður hvítlaukur

2 plómutómatar (plómu mikilvægt)

1/2 msk þurrkaður basil

1/2 tsk oregano

1/2 tsk salt

1 msk tómat paste (ekki puré)

Aðferð: Hvítlaukur léttsteiktur í olíunni á pönnu. Hökkuðum plómutómötum bætt við, látið malla. Svo fara kryddin yfir, og að lokum paste-ið. Látið malla aðeins lengur.

... dugar einnig á ca. eina og hálfa 12 tommu.

Sjálfur mun ég ekki oftar kaupa tilbúna sósu né deig (sem ég hef reyndar aldrei gert).

Verði ykkur að góða.

Santa Maria...

2009-12-29T16:05:00.003Z

Í gær fór ég á veitingastaðinn Santa Maria, í annað skipti. Eftir fyrra skiptið bloggaði ég. Heimild.

Nema hvað, ég fékk mér sæmilegan borgara í gær. Hefði kannski betur fengið mér e-ð mexíkóskara.

Þegar ég var að borga fyrir matinn varð mér litið á töflu með úrklippum úr blöðum þar sem fólk var að hæla staðnum. Þar voru einnig úrklippur úr bloggfærslum, og m.a. úr þeirri sem ég vísa í hér að ofan.

Staðurinn klikkaði hins vegar á því að nota bara fyrsta paragraphið, en slepptu mikilvægum upplýsingum um strákana í Sigurrós sem gengu þarna framhjá.

Santa Maria, vægi fer minnkandi.

Essasú

2009-12-17T16:08:00.000Z

Kristín María hitti essasú froskinn um daginn.

Að sjálfsögðu var tekin mynd.

Sigurrós eru ekki ömurlegir...

2009-12-16T23:03:00.002Z

En ef þú googlar "Sigurrós eru ömurlegir" þá er síðan mín að skila tveimur niðurstöðum.

Þetta er náttúrulega hneysa.

Hér eftir mun ég eingöngu nota Bing leitarvélina, í mótmælaskyni. Sjáið bara.

Bing, leitarsíða með tilfinningar.

Hjólablogg, næstbestu bloggin

2009-12-16T16:12:00.003Z

Nóvember var slakur hjólamánuður hjá mér. Það eru nokkrar ástæður fyrir því.

Klattinn Hafrason, hinn eini sanni, var að skríða útúr egginu og það kallaði á bílferðir og þess háttar. Svo var bara kalt og snjór og hálka (væll væll væll) auk þess sem ég var ekki á nagladekkjum. Ofan á þetta var svo óvissan um hvort ég myndi hafa vinnu eftir áramótin (hvers vegna að kaupa nagladekk ef ég væri kannski bara að fara að hanga heima eftir áramót).

En núna hefur þetta breyst.

Ég mun hafa vinnu áfram, Klattinn er kominn í smá jólafrí/makeover og ég er fullur af skammdegis-orku. Því var fjárfest í nagladekkjum fyrir helgi.

Ég keypti mér 240 nagla dekk að framan og 106 að aftan. Þetta var samkvæmt ráðleggingum hjólanörda. Framdekkið stjórnar beygjum og bremsum að mestu leyti, og það að hafa líka 240 nagla að aftan myndi hægja of mikið á mér á beinu köflunum. Það er nefnilega lúmskt erfiðara að hjóla á nagladekkjum.

************

Víkur þá sögunni að sturtumálum tengdum hjólreiðum.

Það eru rúmir 12 km í vinnuna mína, og þar er engin sturta, sem er vandamál. Ég náði hins vegar hagstæðum samningum við aðila einn hérna í miðbænum um að fá að nota sturtuaðstöðuna þeirra. Kann ég þeim að sjálfsögðu bestu þakkir fyrir.

Ég starfa hjá ríkisstofnun, og ákvað í gær að kanna sturtuaðstöðuna í ráðuneytum bæjarins. Til að gera langa sögu stutta komst ég að því að það er ein sturta fyrir öll ráðuneytin; í kjallaranum í Mennta- og Menningarmálaráðuneytinu. Þar myndast víst löng röð á morgnana. Það mætti segja að það væri skandall en ástæðan er "plássleysi". Samt hefur nú verið nóg pláss til að fjölga ríkisstarfsmönnum gríðarlega á undanförnum árum. Ég er hluti af þeirri fjölgun.

Maður veltir fyrir sér á tímum gjaldeyrisskorts, og hafandi ríkisstjórnarflokk sem kennir sig við grænt, hvort ekki væri bara þjóðhagslega hagkvæmt að græja nokkrar sturtur hér í helstu stofnunum bæjarins. Ég hef sent einum stjórnmálamanni fyrirspurn um málið. Ég hlakka til að lesa svörin, ef þau berast.

Mig langar allavega að halda áfram að hjóla.

Það bætir, hressir og kætir.

Bloggið...

2009-12-01T08:18:00.002Z

Það er ekki dautt.

Ég neita að það sé dautt.

Facebook er svo sem ágætt að mörgu leiti, en bloggið hefur meiri sál, og það endist betur.

Endurkoman er hafin...

Orkunotkun...

2009-10-01T11:02:00.003Z

Orkuveitan býður fólki núna uppá e-ð sem heitir Orkan mín.

Þetta virðist nú vera algjört drasl eins og er, en ég náði allavega að bera saman orkunotkun mína (eingöngu rafmagn, hitinn var í einhverju rugli) við sambærilegt heimili, þ.e. 110 fm2 í fjölbýli með 2 fullorðna og 2 börn.

Ég er sem sagt rauða línan.

Ég er að fara með þetta 320 kWh á mánuði en sambærilegt meðalheimili er með 561 kWh. Ég er því orkusparandi einstaklingur.

Það væri fróðlegt að sjá heitavatnsnotkun til samanburðar, en sá fídus virðist liggja niðri.

Stóra kókmálið, niðurstaða

2009-09-04T11:14:00.003Z

Snemma í júlí sendi ég fyrirspurn til Vífilfells og lét auk þess fylgja með link inná neytendastofu götunnar, barnaland:

Getur verið að bragðið af kókinu sé e-ð að breytast?

Ég hef orðið var við e-ð nýtt bragð af kókinu í 2 lítra umbúðum í þrígang, og ég er ekki frá því að hálfs lítra flaskan sem ég er að drekka núna sé með pínu aukabragði.

Svar barst svo núna áðan:

Sæll Haukur,

Það var auka-bragð af kókinu sem næmir neytendur fundu. Ástæðan var smávægileg breyting í blöndunarferlinu.
Upplifun neytenda af þessari breytingu gat verið mjög misjöfn, nokkuð margir fundu of mikið kanilbragð. Það gæti vel hugsast en Coca Cola er m.a. gert úr jurtaseyðum.

Við sendum bæði bragðefni og fullbúna drykki til Atlanta og Brussel til nánari skoðunar, ásamt því að stofna til sérstaks rýnihóps hérna heima.
Niðurstaðan var sú að drykkurinn væri algerlega hættulaus, en það var annað, óþekkt bragð, sem er þá rakið til fráviks í blönduninni.

Ég trúi því nú, að Coke-ið sé orðið eins og það á að vera.

Hjól - Hagnaður

2009-09-03T10:19:00.002Z

Ég keypti mér hjól um miðjan apríl. Síðan þá hafa liðið 142 dagar og ég er búinn að hjóla 1750 km. Það gerir 12,3 km að meðaltali á dag yfir þetta tímabil. Virka daga í sumar hef ég hjólað í og úr vinnu, samtals um 20 km á dag eða 100 km á viku.

Það eru ýmsar ástæður fyrir því að hjóla; það hressir, enginn pirringur í umferðinni, góð heilsurækt, einfaldar heimilislífið, það er umhverfisvænt og svo sparar það auðvitað pening. En hversu mikinn pening?

Miðað við að bíll eyði 8 lítrum á hundrað km, þá myndi samtals þurfa 219 lítra til að keyra þessa vegalengd, og miðað við að líterinn kosti 180 krónur þá er ég að spara mér 39.375 krónur í beinan kostnað við að hjóla í stað þess að keyra.

En það er ýmiss annar breytilegur kostnaður við að reka bíl, s.s. viðhald, smurning, dekkjaskipti etc, svo það má eiginlega segja að ég hafi kannski sparað mér 47.000 krónur so far (miðað við 20% viðhaldaálag).

Hjólið kostaði 65.000 krónur með öllum fylgihlutum.

Til að "borga upp" hjólið þarf ég að hjóla alls 2400 km., eða 650 km í viðbót.

* Hérna er reyndar ekki tekið tillit til hjólreiðaferða sem ég fer til gamans, en þær eru mikill minnihluti.

* Hér er heldur ekki tekið tillit til þess að við þyrftum að eiga tvo bíla, sem flækir náttúrulega útreikningana mikið.

* Vikulega spara ég mér 2.250 krónur í bensínkostnað með því að hjóla í stað þess að keyra.

Niðurstaða:

Áfram hjól, spörum einkabílinn.

Monsurnar mínar...

2009-09-02T10:26:00.002Z

Kristín María og Sunna Karen í sófanum heima hjá ömmu og afa.

Uppáhaldsmyndin mín af þeim og hún er komin á desktoppinn í vinnunni.

Litlu gleðigjafarnir!

Sundlaugar, úttekt.

2009-07-22T08:52:00.003Z

Við Kristín María erum búin að fara í slatta af sundferðum að undanförnu, reyndar svo mikið að stefnir í met. Hér segir af helstu laugum, kostum þeirra og göllum, út frá barnvæni (líklega ekki orð) þeirra.

a) Árbæjarlaugin.

Þetta er okkar "heimalaug".
Sturturnar eru lélegar, ca. 70/30 blanda sjálfur vs. forblandað (ýtt á takka og vatn kemur í 30 sek = vesen). Skápar eru of litlir. Það er stöðugt hálka á flísunum.
Innilaugin er ágæt en það getur myndast mikill hávaði. Heitir pottar eru mjög góðir en jafnan ansi þétt skipaðir. Úti-barnalaugin er býsna góð, temmilega heit og nógu grunn fyrir litla krakka.
Það eru tvær rennibrautar á staðnum. Sú stærri býður uppá góðan hraða og mjúkt rennsli með góðri niðurkomu, en stiginn upp getur verið háll sem áll. Minni rennibrautin er svokölluð fíla-rennibraut.
Heildareinkunn: 78/100.

b) Álftaneslaugin:

Nýjasta laugin á höfuðborgarsvæðinu.
Mjög góðir klefar, stórir skápar, upphitað gólf, engin hálka og rúmgóðar sturtur.
Innilaugin er stór, en reyndist aðeins of djúp fyrir KMH því hún náði hvergi til botns.
Heitir pottar voru góðir. M.a. er þarna stór mjög grunnur barnapottur með mini-rennibraut, ormi sem úr kemur vatn, og svo eru fötur í ca. 2 metra hæð sem smám saman fyllast af vatni og hella yfir nærstadda.
Þarna er líka stærsta rennibraut landsins. Brautin sjálf er frábær, mikið af beygjum, fínt tempó, lokuð alla leið, bjart og dimmt. Gallarnir eru að þetta er náttúrulega löng ganga upp. Þar geta myndast raðir (rautt og grænt ljós kerfi) og manni verður ansi kalt svona hátt upp. Þá er niðurkoman ekki alveg nógu góð því laugin er nokkuð djúp í niðurkomunni.
Í lauginni er líka svokölluð öldulaug. Hún er smá en skemmtileg. Gæti verið vafasöm fyrir allra minnstu börnin en KMH skemmti sér nokkuð vel.
Einkunn: 85/100.

c) Lágafellslaug (Mosó):

Góðir klefar, stórir skápar, klefar tip top.
Innilaugin var stór og í dýpra lagi fyrir minnstu börnin.
Úti er ansi skemmtileg krakkalaug með lítilli rennibraut. Laugin var heit og passlega djúp til að liggja og horfa á krakkana renna sér.
En í þessari sundlaug eru rennibrautirnar aðalmálið. Þarna eru 3 rennibrautir; 2 langar og lokaðar en ein stutt og opin. Sama lokaða stigahúsið er fyrir allar rennibrautirnar -- risastór kostur. Stóru rennibrautirnar eru sæmilegar, hóflega langar með möguleika á góðum hraða með sundföt í rassa-skoru. Hins vegar eru "flekamótin" ekki nógu bein og þétt saman sem kallar á óþægindi í snertifleti. Mjög stór ókostur. Niðurkoman er góð. Opna rennibrautin er snilld, hún er mjög breið, margir geta rennt sér í einu og hún er mjög aflíðandi svo niðurkoman verður hæg og mjúk. Frábært fyrir yngstu börnin.
Annar kostur við þessa laug er að þarna eru bara gúmmíflísar sem er mjög gott.
Einkunn: 88/100.

Aðrar laugar:

d) Salalaug: Ágætis laug inni og úti, fínir klefar, góður pottur. 79/100.
e) Kópavogslaug: Mjög skemmtileg og fjölbreytt laug. 80/100.
f) Laugardalslaug: Var einu sinni fín, en í dag er þetta bara Chicago Bulls sundlauganna. 50/100.
g) Sundhöll Reykjavíkur: L.A. Clippers sundlauganna. 5/100.

Niðurstaðan er því sú að Lágafellslaugin er best, og þangað verður stefnt eftir vinnu í dag.

Golfblogg - bestu bloggin, tvöfalt golfblogg

2009-07-08T09:24:00.002Z

Góðan dag hér og þar og alls staðar.

Ég er búinn að fara fimm sinnum í golf í sumar.
1) 9 holur á Urriðavelli.
2) 9 holur á Setbergsvelli.
3) 18 holur á Urriðavelli.
4) 18 holur á Urriðavelli.
5) 18 holur á Korpu.
Segir hér frá þeim tveimur síðastnefndu.

Það var fallegt veður, hlýtt og logn þann 26. júní síðastliðinn þegar ég, Viðar Guðjónsson og Ólafur Þórisson mættum á teig á Urriðavelli. Ráðgjafagengið svokallaða.

Ég var að spila hörkuvel - 90 högg alls (46/44). Það var helst að það vantaði smá meiri gæði í kringum flatirnar og á flötunum. Tölfræði:

Pútt: 2 einpútt, 15 tvípútt, 1 þrípútt.
Hittar brautir: 9/14 (64%).
Hittar flatir: 4/18 (22%).
Víti: 2.

Viðar og Ólafur léku ágætlega á fyrri 9 holunum, en það fjaraði aðeins undir þeirra leik þegar leið á nóttuna (01:00 am plús) og tók að rökkva.

*******************************

Í gær var svo haldið á völl þeirra GR-inga að Korpúlfsstöðum.
Upphaflega átti þetta að vera einvígi Liverpool-manna gegn manutd-mönnum, en það vantaði einn úr hvoru liði. Liðsskipan var því eftirfarandi: Hauger Woods, Ommidonna, Gunni Magg celeb, Júllí GR-ingur. Leikur hófst klukkan 21:30 í blíðskaparveðri.

Aðeins eitt skipti máli: Hauger Woods gegn Ommadonna; holukeppni. Þetta var mikilvæg keppni sem kannski sést best á því að Ommidonna fór sérstaklega að slá í hádeginu, til að vera klár í leikinn. En dugði það?

Fyrri 9 holurnar voru æsispennandi. Ég tók fyrstu 3 holurnar, fjórða féll, en Ommidonna tók 3 næstu. Það var því jafnt á 8. teig. Þar fékk ég minn fyrsta fugl í sumar og tók holuna. Níunda féll svo. Ég var því einn upp eftir 9 holur, og ákveðið að halda áfram, þrátt fyrir að klukkan væri að detta í miðnætti.

Ommidonna tók tíundu og jafnaði. Ég kom hins vegar sterkur til baka og tók elleftu og tólftu (2up). Þrettánda féll og ég tók fjórtándu (3up). Ommidonna tók svo fimmtándu eftir að ég vítaði, en ég kom enn og aftur sterkur til baka og tók sextándu og sautjándu, 4up og game over. Átjánda og síðasta féll svo.

Ég var að slá ágætlega í heildina, nokkuð stöðugur í teighöggunum, fínn í púttunum, en var ekki að hitta flatirnar. Tölfræði.

Pútt: 5 einpútt, 13 tvípútt.
Hittar brautir: 6/13 (46%).
Hittar flatir: 3/18 (17%).
Víti: 2.
Högg: 94 (44/50). Sprengja á tíundu og átjándu.

Golfblogg, bestu bloggin.

Sætasta stelpan í bænum...

2009-06-23T13:06:00.001Z

Lakers...

2009-06-16T21:44:00.003Z

Innilegar hamingjuóskir til allra Lakers-manna og kvenna!

Ég var aldrei í minnsta vafa að við myndum vinna titilinn í ár, enda með besta leikmanninn, besta þjálfarann og bestu liðsheildina. Hin liðin áttu einfaldlega ekki break þegar Lakers virkilega lagði sig fram.

Ég hef horft á gífurlegt magn af leikjum liðsins í vetur. Af leikjunum 82 í deildarkeppninni hefur ég líklega séð svona 65 að hluta eða öllu leiti. Af leikjunum 24 í úrslitakeppninni sá ég eiginlega alla í heild sinni. Þannig að við erum að tala um hátt í 90 leiki í vetur/vor/sumar, sem er alveg slatti. Í minningunni verður þetta veturinn þegar Harpa gekk með Sunnu Karen, en líka Lakers-Atvinnuleysis-veturinn.

Það verður spennandi að sjá hvað gerist með leikmannahópinn fyrir næsta tímabil. Ég myndi vilja sjá okkur losna við The Broken Machine (Vujacic), The Hope (Farmar), og annað hvort Mbenga eða Powell. Einnig væri snilld ef Kobe myndi skrifa undir nýjan samning og taka á sig launalækkun. Með því væri hægt að semja uppá nýtt við bæði Odom og Ariza og vonandi Shannon Brown. Með þennan mannskap er ekkert annað en titill í spilunum næstu 2-3 árin.

Áfram Lakers.

Vinna...

2009-06-16T21:31:00.002Z

Ég er kominn með vinnu!
Ég hóf störf hjá Ráðgjafarstofu um fjármál heimilanna þann 2. júní.

Frá hruni bankanna og gengisfallinu hefur eftirspurnin eftir þjónustu Ráðgjafarstofunnar aukist mikið og starfsfólki fjölgað samhliða því. Mér skilst að þeim hafi fjölgað úr 7 í tæplega 30 á skömmum tíma. Áður var eingöngu skrifstofa niðrá Hverfisgötu, en núna er búið að bæta við annarri í Sóltúni (þar sem ég er staðsettur) og þar getur fólk komið inn af götunni í viðtal og ráðgjöf.

Konur eru í miklum meirihluta; ég held að við séum bara 4 strákarnir, og ég þekkti tvo þeirra fyrir.

Starfið felst í ráðgjöf, taka viðtal við fólk, fá upplýsingar, safna saman gögnum, greina þau, koma með tillögur og þess háttar. Ágætlega fjölbreytt bara og skemmtilegt, en um leið mjög erfitt á köflum, og það er sko nóg að gera.

En þetta er ekki fast starf, heldur er þessi nýja starfsstöð hálfgert tilraunaverkefni. Þannig að kannski verður þetta bara sumarstarf, kannski nær það til áramóta, eða bara eitthvað. Kemur í ljós. Aðal málið er bara að vera með vinnu. Það léttir lundina að vera kominn á vinnumarkaðinn aftur og vonandi skila góðu starfi sem hjálpar fólki.

Hjólablogg, góð blogg

2009-05-18T22:22:00.003Z

Á þessum árstíma hafa golfbloggin-bestu bloggin verið að detta inn. En það er leiðinlegt að segja frá því að ég hef ekki enn spilað golfhring á þessu ári. Ástæðurnar eru aðallega tvær: í fyrsta lagi tilheyri ég ekki lengur golfklúbbi Landsbankans né nokkrum öðrum golfklúbbi, og í öðru lagi hefur orðið fjölgun á heimilinu. En það er allt í góðu - ég mun spila golf í sumar, en verð selectívari á veður og þess háttar. Það verða fáir en góðir hringir í sumar.

Þess í stað hef ég einbeitt mér að hjólreiðum, eins og komið hefur fram á síðunni. Um helgina tók ég tvær ca. 30 km ferðir, en í dag bætti ég um betur og fór 46 km, sem er season high.

Ferðin í dag átti ekki að vera neitt sérlega löng. Ég var þreyttur eftir 60 km um helgina og var auk þess nett rjóður í framan, sem mun reyndar breytast í fallega brúnku mjög fljótlega.
Ég var í Iniesta treyjunni minni til heiðurs Barcelona, en titillinn var tryggður um helgina, og var einnig með asnalegt buff. Hvar fæ ég svart buff undir 2000 kr? Þá ákvað ég að hjóla án Bauer-sólgleraugna, til að fá jafnari brúnku í andlitið.
Fyrsta stopp var í Erninum í Skeifunni. Hraðamælirinn minn var bilaður (réði greinilega ekki við hraðann) og því var kippt í lag, nýr settur á og brunað af stað. Klassa strákar í Erninum.
Næsta stopp var svo í Íhlutum Skipholti. Straumbreytirinn sem ég keypti þar var farinn að suða. Ekkert mál - fékk nýjan eins og skot.
Svo var tekið Laugarann, stoppað á Austurvelli fyrir prótein-bar og orkudrykk, og svo haldið áfram. Power komið í kroppinn og því ákveðið að taka smá keppnis-hring.
Leiðin lá útá Nes, Ægissíðan, Nauthólsvík, gegnum Kópavoginn, Arnarnes, og bara alla leið að bryggjuhverfinu í Hafnarfirði.
Svo var aftur stoppað í Góu. Keypti smá lakkrís. Gott að eiga þegar það koma gestir.
Síðan var bara meðfram Reykjanesbrautinni, upp að Vífilsstaðavatni (flottur staður) og upp "brekku dauðans", en þar mætti ég einmitt sjálfum Jack Bauer, a.k.a. Biggington. Hann var á bíl.
Svo var haldið heim á leið í gegnum hringtorgavitleysuna.
Meðalhraðinn var rétt um 25 km/klst, sem er fínt tempó fyrir mig.

Lesendur, er einhver klár í að joina í hring fljótlega? Bara e-ð létt.

Draumur...

2009-05-11T20:43:00.002Z

Ég lagði mig aðeins í dag, og dreymdi draum. Þegar ég vaknaði mundi ég hann alveg ótrúlega vel - sem er öllu algengara með svona stutta blunda (i).

Nema hvað.
Draumurinn endaði þannig að ég er að hjóla vestur eftir Miklubraut, beygi inn til vinstri í Lönguhlíðina og tek svo hægri beygju inn Mávahlíðina (önnur beygja í raun, en þriðja beygja skv draumi). Ég er á leiðinni að ná í tengdamóður mína. Hún ætlar að koma að hjóla með mér niðrí Laugardal. Ég stoppa við annað húsið til hægri, fer niðrí kjallara og þar er hún að bíða eftir mér. Ég vakna.

Þetta var merkilega skýr draumur, svo ég spyr Hörpu seinni partinn hvort foreldrar hennar hafi einhvern tímann búið í Hlíðunum. Jú, það passaði, svo ég hringi í tengdamóður mína. Jú, þau bjuggu í Mávahlíð 4 (annað húsið) í kjallara.

Hefði einhver spurt mig í gær hvar Mávahlíð væri hefði ég ekki getað svarað því. Ég vissi ekki að þau hefðu búið í Mávahlíð, hvað þá númer 4 og í kjallara. Skömmu eftir að ég vaknaði hefði ég getað lýst íbúðinni nokkuð nákvæmlega að innan.

Hvernig gat þetta gerst?

Herbalife!

2009-05-07T01:08:00.002Z

Fyrir um 2 vikum fékk ég email frá fyrrum vinnufélaga í Landsbankanum þar sem hún spurði hvort ég vildi ekki vinna mér inn aukapening þar sem ég réði vinnutímanum og bla bla. Fyrsta sem mér datt í hug var Herbalife, og ég er/var mjög fordómafullur gagnvart svona dóti. Ég hringdi í hana og jú, þetta var Herbalife. Hún bauð mér á kynningu um kvöldið og ég sagðist ætla að sjá til. Ég hugsaði málið, talaði við nokkra aðila og ákvað svo að skella mér, enda hefði ég engu að tapa, nema þá bara þessum klukkutíma. Mér leið soldið eins og ég væri að fara í messu hjá Krossinum, þetta var svo ekki ég.

Kynningin var ágæt.
Það var smakk; te, prótein súkkulaði, sjeikar. Það var kynnt hvernig viðskiptamódelið virkar, ef maður skyldi hafa áhuga á því. Þarna voru svona 10 manns, nokkrir eins og ég, en einnig nokkrir sölumenn og það lið var alveg á því að þetta væri málið. Meðal þeirra var einn strákur jafngamall mér, fyrrum mótherji í fótbolta. Hann náði að sannfæra mig um að prófa að kaupa mér.

Og ég gerði það, eða réttara sagt við Harpa. Við tókum startpakka, sem samanstendur af jarðaberjasjeik, próteini, vítamínum og trefjum. Ég keypti aukalega te og súkkulaði. Núna erum við búin að smjatta á þessu í 2 vikur. Við erum að vísu að gera þetta á mismunandi forsendum. Harpa er að reyna að létta sig og ég er meira að reyna að fá betri næringu og aukna orku. Hvort tveggja er að ganga vel. Þetta er að virka eins og það er sagt að þetta eigi að virka.

Ég á ekki von á öðru en að kaupa mér meira þegar núverandi pakki klárast, en hvort ég ætli útí sölu á þessu er enn ekki ákveðið.

Hvað segja lesendur?
Hefur fólk skoðun á þessu? - ég er allavega búinn að grafa mína fordóma.

Námskeið...

2009-05-07T01:06:00.001Z

Á morgun, fimmtudaginn 7. maí, verður haldinn kynningarfundur á FRÍU sumarnámskeiði í stofnun fyrirtækja.

Fundurinn hefst kl. 17:00 og verður í stofu 235 (2. hæð), Háskólanum í Reykjavík, Ofanleiti 2.

Námskeiðið verður kennt á mánudögum og fimmtudögum frá 16:15 til 20:00. Kennsla hefst 18. maí og spannar námskeiðið 13 vikur.
Námskeiðið stendur þér og hverjum þeim sem hefur áhuga á að skapa sér tækifæri til boða að kostnaðarlausu.

Á fundinum verða meginviðfangsefni námskeiðsins kynnt og spurningum svarað. Einnig verður opið fyrir skráningu á staðnum.

Frekari upplýsingar um námskeiðið og skráning fer fram á stofnun@gmail.com

Framtíðin er í þínum höndum!

Ég ætla að taka þátt - kemst að vísu ekki á þennan fund á morgun - er þetta er skemmtilegt framtak.

Hjólageðveiki, semi

2009-04-16T22:53:00.007Z

Ég keypti mér svona hjól í síðustu viku. Bætti við standara, ljósum að framan og aftan, brettum og hraðamæli. Það er alger snilld að vera með svona mæli. Ég er búinn að hjóla slatta á þessum 8 dögum sem ég er búinn að eiga hjólið.

1. Fyrsta ferðin var 38,6 km. Meðalhraði 21,6 km/klst. Ég tók Grafarvoginn, meðfram Sæbrautinni, cut í gegnum bæinn, Skerjarfjörður, Fossvogur, heim.

Athuganir:

Mér finnst hrikalega gaman að hjóla í kringum Grafarvoginn, skemmtilegir stígar, fólk í golfi á sumrin, fallegt útsýni.
Maður lendir í veseni á hjóli við tónlistarhúsið.

2. Hér er loftmynd. Ferð 2 var svipuð, sleppti að vísu Grafarvoginum en bætti inn Nesinu. Miklabraut heim með viðkomu í bænum. Mér finnst alltaf gott að kíkja aðeins í bæinn og tjekka á stemningunni og jafnvel stoppa og hlusta á trúbadorinn taka eitt tvö lög. Vegalengd 38,15 km. Meðalhraði 22,7 km/klst.

Athuganir:

Neshringurinn er frábær.
Ég fór Rafstöðvarveginn, þ.e. norðan við Elliðaárnar. Það er vegur í slæmu ástandi og ekki fyrir götuhjól.
Það var gott veður, en bærinn var nánast dauður.

3. Í gær fór ég glænýja leið. Ég fór í gegnum nýja Kópavoginn, framhjá Vífilsstaðavatni, uppí Heiðmörk, framhjá Oddi, og endaði í Hafnarfirði. Ég fór í gegnum Hafnarfjörðinn, svo framfram sjónum pretty much alla leið á T9. Þar hitti ég nýjasta tengasoninn, Lilla Snilla Andrésson. Eftir stopp, vatn og hafraköku húsmóðurinnar lá leiðin heim. Vegalengd 40,9 km, meðalhraði 21,5 km/klst.

Athuganir:

Ég mun pottþétt taka þennan Hafnarfjarðarrúnt aftur, og það fljótlega.
Leiðin í gegnum Kópavoginn er leiðinleg, þ.e. Hvörfin og öll þessi hringtorg.
Bryggjuhverfið í Hafnarfirði er bæði tómt og sorglegt.
Ég náði mínum hæsta hraða í brekkunni við Vífilsstaðavatn, 55,9 km/klst. Ég mun aldrei aftur fara svo hratt, af öryggisástæðum.

4. Í kvöld fór ég á viðgerðanámskeið hjá Fjallahjólaklúbbnum. Eðli málsins samkvæmt mætti ég á hjóli, og ekki gat ég mætt á nýju hjóli, svo ég fór með hjólið hennar mömmu.

Ég fór því fyrst í Kleifarselið, en fór svo hefðbundna leið fram og tilbaka. Vegalengd 28,4 km.

Athuganir:

Ég lærði fullt á þessu frábæra og ókeypis námskeiði.
Ég hef meiri áhuga á að hjóla en hjólum.
Ráðleggingar leiðbeinanda: smyrjið keðjuna vikulega, skiptið um keðju árlega sem og alla barka, þrífið hjólið mjög regulega hátt og lágt, skoðið bremsur og gíra minnst mánaðarlega.

Trúarjátning

2009-04-14T01:00:00.001Z

Dóttirin var skírð um helgina. Fyrir valinu varð nafnið Sunna Karen.

En af hverju var ég að skíra, trúleysinginn ég. Ég veit það ekki alveg. Hefði ég fengið að ráða hefði hún verið nefnd strax við fæðingi og engin skírn verið haldin. En svona eru málamyndanir í samböndum fólks – þetta skipti Hörpu miklu máli.

Ég er mikið spurður hvers vegna ég sé ekki í þjóðkirkjunni, eins og það sé e-ð náttúrulögmál. Stutta svarið er að ég á bara enga samleið með þessu rugli. Ég er trúlaus og það er bara þannig. Fólk er aldrei spurt hvers vegna það sé í þjóðkirkjunni – ég hugsa að fæstir viti það. Ég fermdist vegna gjafanna og sagði mig úr þjóðkirkjunni fyrir nokkrum árum.

Eftir athöfnina á laugardaginn var ég spurður hvers vegna ég fór ekki með trúarjátninguna. Fyrir það fyrsta fer ég ekki með játningu á einhverju sem ég trúi ekki. Í öðru lagi kann ég ekki þennan texta. Svo ég fletti honum upp. Hann hljómar svona:

Ég trúi á Guð, föður almáttugan, skapara himins og jarðar.
Ég trúi á Jesú Krist, hans einkason, Drottinn vorn, sem getinn er af heilögum anda, fæddur af Maríu mey, píndur á dögum Pontíusar Pílatusar, krossfestur, dáinn og grafinn, steig niður til heljar, reis á þriðja degi aftur upp frá dauðum, steig upp til himna, situr við hægri hönd Guðs föður almáttugs og mun þaðan koma að dæma lifendur og dauða.
Ég trúi á heilagan anda, heilaga almenna kirkju, samfélag heilagra, fyrirgefningu syndanna, upprisu mannsins og eilíft líf.

Nú ætla ég ekki að setjast í e-ð dómarasæti, mér er nett sama þó aðrir hafi sína trú, þó fæstir iðki hana. En þessi texti. Trúir fólk þessu í alvörunni? Eða fer það bara með textann af gömlum vana?

Ég setti saman trúarjátninu sem mér finnst álíka trúverðug.

Ég trúi á jólasveininn, grýlu og leppalúða.
Ég trúi á spákonur, miðla, spámiðla og tarrotspil. Ég trúi á álfa og huldufólk, drauga og kraftaverk.
Ég trúi á Indiana Jones, Jason Bourne, James Bond og Jack Bauer að eilífu amen.

Lífið þessa dagana...

2009-04-01T21:22:00.002Z

* Það er frábært að vera með nýja monsu á heimilinu, þó daglegt líf hefur ekki breyst svo mikið. Hún gerir lítið annað en að drekka og sofa. Hún er að braggast mjög vel og þetta er allt samkvæmt bókinni. Það bæði gleður og hressir. Hún er talin vera mini-me. Ég sé það samt ekki sjálfur.

* Í dag hefst mánuður 2 í fæðingarorlofi. Þeir verða alls 6 eins og staðan er núna, eða út ágúst. Hvað tekur við þá er stórt spurningamerki. Ég er í það minnsta ekkert sérstaklega bjartsýnn á að vinnumarkaðurinn verði búinn að taka við sér. Kemur í ljós - ég ætla allavega ekki að eyða tímanum mínum í áhyggjur.

* Það er samt ýmislegt í gangi sem heldur manni við efnið. Ég var ásamt félaga mínum að vinna í viðskiptaáætlun fyrir vöru sem kemur líklega á markað fyrr en seinna. Við tókum þátt í keppni á vegum Innovit sem var ofsalega skemmtilegt og lærdómsríkt. Meira um það síðar.

* Þá er möguleiki á að ég sé að fara að vinna í annarri viðskiptaáætlun, en það er á frumstigi. Hugmyndin er góð og spurning með útfærslu/fjármagn.

* Ég er svo að fara í smá verkefni á morgun sem ég held að verði mjög skemmtilegt.

* Ég er líka loksins búinn að finna flott og gott götuhjól á ásættanlegu verði. Ég mun fjárfesta í því fljótlega og þar koma afmælisgjafapeningar að góðum notum. Svo verður bara brunað útum allan bæ og næstu bæjarfélög, og að sjálfsögðu skrifað um það. Hjólablogg - næstbestu bloggin.

Tveggja barna faðir...

2009-03-26T19:03:00.000Z

Litla sæta nýja monsa fæddist í gær klukkan 17:15. Hún var 13 merkur og 49 cm.

Fæðingin gekk fínt og öllum heilsast bara býsna vel. Við komum svo heim núna seinni partinn og monsurnar tvær stilltu sér upp fyrir myndatöku.

Sætar!

Tímarit...

2009-03-15T01:00:00.001Z

Linda skyndilinda var að benda á Tímarit.is. Þvílík snilld.

Hérna fann ég eina góða grein frá 2004:

Kolbrún á villigötum
Haukur Snær Hauksson skrifar:
Kolbrún Bergþórsdóttir fer ekki fögrum
orðum um Jack Bauer í Fréttablaðinu
þann 8. júní síðastliðinn. Vill hún meina
að Jack hafi gert mistök með því að taka
„af lífi saklausan man“. Þvílíkt bull. Jack
Bauer hefur ekki tekið ranga ákvörðun
frá því að hann skaut George Mason í
fótinn í fyrstu seríunni þar til hann skaut
Chappelle í höfuðið í þeirri nýjustu.
Í fyrsta lagi var það ákvörðun forsetans
að drepa Chappelle og þrátt fyrir að sú
ákvörðun hafi verið umdeilanleg, þá var
hún engu að síður rétt. Þetta var bara
spurning um að drepa einn saklausan
mann eða milljónir saklausra. Ekki flókin
ákvörðun. Þetta eiga kommúnistar að
vita.
Auk þess segir Kolbrún í Fréttablaðinu
þann 5. maí síðastliðinn að Jack hafi
„gengið full harkalega fram“ þegar hann
drap Ninu Mayers. Ekki er ég sammála
því. Vissulega var Nina skemmtilegur
karakter, en það var kominn tími á hana.
Hún var búin að leiða Jack og alla hjá
CTU í of margar gildrur, auk þess sem
hún drap Teri Bauer, eiginkonu Jacks
(sem þó var gott fyrir þættina því Jack er
orðinn svo brjálæðislega einbeittur).
24 eru bestu sjónvarpsþættir sem
nokkru sinni hafa verið framleiddir. Ég
fagna því að Kolbrún hafi jafnmikinn
áhuga á þáttunum og ég og skora á alla
sem ekki hafa fylgst með að drífa sig á
næstu myndbandaleigu.
„If you don’t watch 24, you don’t know
Jack.“

Við spilum endalaust...

2009-03-12T20:28:00.001Z

Besta hljómsveit í heimi að spila í skemmtilegustu borg í heimi spilandi eitt af mest hressandi lögum síðasta árs. Getur ekki klikkað.

The Office: The Musical

2009-03-09T09:51:00.000Z

See more funny videos and funny pictures at CollegeHumor.

Tónleikar...

2009-03-08T23:23:00.002Z

Í gær bókaði ég sjálfan mig á mína fyrstu tónleika, sem performer. Tónleikarnir fara fram í fertugsafmæli seint í október. Það eru 7 mánuðir rúmir þangað til en sá tími ætti að duga til æfinga.

Við munum spila 4 lög auk uppklöppunarlags. Þegar er búið að ákveða uppklöppunarlagið, en það er hið tilfinningaþrungna Amazed með Lonestar. Mikið held ég að Gamli verði glaður ef vel tekst til.

Hljómsveitina skipa 4 menn, skólafélagar frá Bandaríkjunum. Meðal annarra er tvíeykið eftirminnilega True, þar sem ég var annar meðlimanna. Það band var mjög underground.

Sund...

2009-03-08T22:39:00.002Z

Ég fór í sund í dag með Kristínu Maríu.
Árbæjarlauginn, lókallinn, varð fyrir valinu.

Fyrst þetta:
Það kostar 360 kr. í sundlaugar Reykjavíkur (SR). Heimild.
Í sundlaugar Kópavogs (SK) kostar hins vegar 280 kr. Heimild.

Sé keypt 10 skipta kort hjá SR kostar skiptið 250 kr., sem er gott. Hjá SK kostar sambærilegt 210 kr. Aftur vinnur SR.

SK býður einnig uppá 30 skipta, 60 skipta og árskort. SR býður eingöngu uppá 10 skipta og árskort. Einingarverð sé keypt 60 skipta kort eru eingöngu 140 kr., sem er 50% afsláttur. Áfram SK. Ég hef sent fyrirspurn til ÍTR vegna málsins.

Til varnar SR: Opnunartíminn er lengri og fleiri laugar eru í boði, enda fleira fólk sem býr í Rvk.

Næst þetta:
Ég sá mann í sundlauginni - kannaðist rosalega við hann, en kom honum ekki alveg fyrir mig. Átti ég að heilsa og segja "bíddu, þekki ég þig eða?" Hann horfði á móti, hugsanlega útaf því að ég horfði á hann. Þetta er óþægilegt. Þetta endaði að við horfðum svona 5 sinnum á hvorn annan, en ekkert.

Að lokum þetta:
Árbæjarlaugin er ekki alveg nógu góð, sérstaklega á svona degi. Hún er of lítil fyrir hverfið. Innilaugin var pökkuð af barnafólki. Einnig hef ég gert tilraunir til að synda á virkum dögum. Það er vesen því skólasund tekur megnið af útilauginni. Það eru kannski tvær brautir lausar allan daginn, með blöðkurnar á fleygiferð, 3 á braut, þar af 2 yfir sextugt sem fljóta áfram, og það er bara vesen. Framúrakstur er ekki vinsæll í sundi.

Niðurstaða:
Sundlaugar Kópavogs >Sundlaugar Reykjavíkur.
Minni: Í dvala.
Lókall: Túkall.

Fyrir og eftir...

2009-03-03T23:29:00.000Z

Reynið að spotta 12 breytingar!

Ganga - Reynisvatn

2009-03-03T16:56:00.003Z

Klukkan 14:00 lagði ég af stað í gönguferð. Það var flott veður, nánast logn, smá frost og það snjóaði. Hugmyndin var að ganga að Reynisvatni og til baka. Ég var samt ekki alveg viss hvernig ég ætlaði að komast þangað.

Ég fór yfir Suðurlandsveginn og í austur meðfram Rauðavatni. Þar rakst ég fljótlega á dagsgömul (gisk) spor upp hlíðina. Ég fylgdi sporunum en þeim fækkaði alltaf eftir því sem ég fór lengra. Sé ég svo ekki kennileiti fyrr en ég er skammt frá Leirdalnum og stefni niður brekku í átt að Grafarholti (Golfskála GR). Þarna áttaði ég mig á því að ég hafði ekki alveg farið rétta leið.

Ég hitti mann á þessum slóðum sem þekkti vel til. Hann benti mér á hvaða mistök ég hafði gert. Það var sem sagt annar stígur sem ég hefði átt að fara. Gott og vel.

Ég beygi þá inná Grafarholtsvöllinn, við 7. teig, geng framhjá 6. flöt, 8. braut og flöt, sker svo 9. brautina til austurs, og geng svo meðfram hlíðinni í átt að Moggahöllinni í Hádegismóum. Á þessum slóðum fékk ég hugmynd. Hugsanlega meira um hana síðar. Þaðan fór ég hefðbundna leið heim.

Vegalengd: 7,3 km.
Tími: 75 mínútur.
Tónlist: U2.
Dýralíf: Fjórir krummar, brúnn hestur, smáfuglar.
Mannlíf: Maður sem ég talaði við. Maður á hesti.

Ég mun gera aðra tilraun til að heimsækja Reynisvatn síðar í þessari viku.

Kardimommubærinn

2009-03-01T23:33:00.000Z

Í dag fór fjölskyldan í leikhúsferð - fyrsta alvöru leikhúsferðin með monsuna. (Skoppa og Skrítla og Einar Áskell teljast varla með. Það er barnastöff.) Þetta er líklega í síðasta sinn sem við gerum e-ð svona saman sem þriggja manna fjölskylda. Nýja monsan er væntanleg fljótlega. Ég spái á miðvikudag.

Kardimommubærinn var rosalega skemmtilegt verk, mæli með þessu.

Myndir:
1) Monsa og ég fyrir sýningu. Ég þarf að fara að klippa mig.
2) Monsan skemmti sér svona vel. Mynd tekin í hléi.
3) Á heimleiðinni var farið yfir leikskránna.

Íþróttir...

2009-03-01T01:27:00.005Z

Mín lið eru aðeins að ströggla þessa dagana. Ég held að það sé alveg óhætt að segja að Liverpool eru úr leik í baráttunni um enska meistaratitilinn eftir tap dagsins gegn Boro.

Napolí eru í lægð á Ítalíu og eru komnir um miðja deild. Ég get ekki nefnt einn leikmann liðsins á nafn, en þeir eru samt mitt lið.

Barcelona eru skemmtilegasta lið alheimsins á þessu tímabili, en hafa verið að tapa stigum. Á sama tíma eru Real á góðri siglingu. Ég hugsa samt að Barca taki titilinn. Ég trúi ekki öðru.

Lakers eru búnir að vera geysisterkir í allan vetur, og jafnvel bætt í eftir að Bynum meiddist. Tapið gegn Nuggets í nótt var bara einn af þessum leikjum. Ég hugsa að ég sé búinn að sjá svona 80% af leikjum liðsins á tímabilinu og ég verð mjög sjaldan fyrir vonbrigðum. Á morgun mæta Lakers gömlum tímabundnum-erkióvinum í Phoenix, með Tröllið Shaq í broddi fylkingar. Leikurinn hefst klukkan 20:30 að íslenskum tíma, og hægt er að horfa á hann á mörgum góðum stöðum. Ég spái öruggum sigri.

Sendiherra...

2009-03-01T01:20:00.003Z

Í kvöld var ég sendiherra Practical og Ölgerðarinnar á Ölstofunni.

Hafi menn verið að velta fyrir sér hver sé kominn aftur, þá er svarið Polar Beer. Hann mætti til leiks á miðnætti, á 20 ára afmæli bjórsins á Íslandi.

Byrjunarreitur...

2009-03-01T01:15:00.002Z

Er Jónsi kominn í hring - kominn aftur á byrjunarreit?
Er Von að maður spyrji?

Heimild.

Vinna...

2009-02-26T22:34:00.002Z

1. febrúar varð ég formlega atvinnulaus.
1. mars mun ég formlega byrja í fæðingarorlofi - það mun vara í 6 mánuði, að öðru óbreyttu.

Lögum samkvæmt má ég ekki vinna á meðan ég er í fæðingarorlofi - þó ég vilji það - og það er smá problem, því það eru örugglega ágætis líkur á að maður geti fengið e-ð að gera dag og dag, helgi og helgi á þessu tímabili. Ég er með höfuðið í bleyti.

En á morgun hef ég tekið að mér agnarsmátt sérverkefni og á laugardaginn mun ég vinna í leynilegu sérverkefni.

Annars er býsna rólegt í atvinnumálum þessa dagana, eins og allir vita. Það er þó auglýst eitt og eitt starf sem hljóma ágætlega en það eru náttúrulega 2000 manns að sækja um hvert starf. Reyndar var mér boðið starf um daginn, en það hentaði ekki alveg fyrir mig. En auðvitað vonar maður það besta, þrátt fyrir offramboð á neikvæðum fréttum.

Hjólreiðar...

2009-02-26T22:13:00.003Z

Ég gerði við hjólið mitt í gær. Það var búið að vera sprungið annað dekkið á því í marga mánuði. Það tók 10 mínútur að laga það.

Í dag var svo hjólað. Prófa gripinn. Það var skítakuldi af austri. Fínt niðrí bæ, erfiðara heim.

Ég fór hefðbundna leið: Elliðaárdalur - Suðurlandsbraut - Laugarvegur - Austurvöllur - Hringbraut - Miklarbraut - Elliðaárdalur. Þetta eru rétt tæpir 25 km.

Tónlist: No Line on the Horizon með U2. Fyrsta hlustun lofar góðu. Einnig hlustaði ég á disk með lögunum úr fyrstu 6 þáttunum af seríu 2 með Flight of the Conchords. Frábært. Djöfull eru þeir fyndnir og skemmtilegir.
Sönnun A. Nettur Magnolia fílingur hérna.
Sönnun B.
Sönnun C.
Frekari sannanir síðar.

Á ferð minni stoppaði ég í Icefin í Nóatúni. Þar skoðaði ég Micro Dry nærföt. Málið er í skoðun. Gæti verið gott að eiga svona í kuldanum.

Hugsanlega var þetta fyrsti áfanginn í undirbúningi á hringferð í kringum landið. Hver veit? En eitt veit ég - ég var gjörsamlega dauður þegar ég kom heim.

Ganga... (3)

2009-02-26T21:46:00.003Z

Ég held ég gangi heim, held ég gangi heim.

Á þriðjudaginn datt mér í hug að gangi heim frá leikskólanum hennar Kristínar Maríu (Hálsabrogg) - með smá twisti.

Gönguleið: Hálsaborg - Flúðasel (þar sem maður var vanur að teika gömlu ellefuna) - Kambasel - Jöklasel - Jaðarsel - Útvarpsstöðvarvegur - Kleifakór - Kambavegur - Kóravegur - Þingmannaleið (?) - Dalaþing - Elliðahvammsvegur - kringum Elliðavatn - heim.

Vegalengd: 9, 4 skv. korti. Segjum 10 km.

Tími: Um 90 mínútur.

Tónlist: Viva la Vida með Coldplay. Ég fíla Coldplay. Fyrsta platan þeirra er ein af mínum uppáhalds all time. Þessi er líka mjög góð. Þeir kunna þetta strákarnir.

Athuganir:

Það er kominn bílskúr í Jöklaselið sem ég vissi ekki af.
Útvarpsstöðvarvegur er í niðurníslu, enda búið að loka honum að hluta.
Það virðist vera búið í ca. 90% af húsunum í Kórahverfinu. Í Þingahverfinu er hlutfallið örugglega undir 50%. En í Þingahverfinu er nokkuð um tilbúnar hallir.
Hvaða ár hrundu stóru möstrin/sendarnir á Vatnsenda-hæðinni? Ég man að það var brjálað veður.
Ég sá tvær villtar kanínur sem horfðu á mig sposkar, tvær endur flúðu þegar ég nálgaðist, kona sat á hesti.

Ganga... (2)

2009-02-26T21:30:00.003Z

Um daginn gerði ég tilraun:
Hversu langan tíma tekur að ganga frá miðbæ Reykjavíkur og heim?

Gönguleið: Austurvöllur, Laugarvegur, Rauðarárstígur, yfir Miklatún, Miklabraut, Elliðaárdalur. Klassísk leið.

Vegalengd: 10, 8 km skv beinni mælingu, en sjálfsagt nær 12 km. með beygjum og öllu.

Tími (splits):
Austurvöllur: 13:40
Kringlan: 14:06
Stífla við Höfðabakka: 14:46
Heim: 15:16
Samtals: 96 mínútur.

Síðast þegar ég tók leigubíl úr miðbænum og heim kostaði hann tæpar 4000 krónur. Í dag kostar hann sjálfsagt rúmar 4000 krónur. Ekki það að ég ætli að leggja það í vana minn að ganga heim úr miðbænum, en gæti verið pæling fyrir einhverja.

Tónlist á leiðinni:
Fyrst hlustaði ég á Oracular Spectacular með MGMT. Ég er mjög hrifinn af þeirri plötu. Hressti mjög. Síðan tók við platan Dear Science með Tv on the radio. Ég var ekki alveg jafn hrifinn af þeirri plötu svona við fyrstu hlustun en hún verður áfram í ipoddnum. Skemmtilegt reyndar að fyrsta lagið á plötunni heitir Halfway Home, sem er mikil tilviljun, því þegar það var í gangi var ég eiginlega akkúrat hálfnaður heim.

Ég mun halda áfram að gera tilraunir.

Keila

2009-02-26T21:19:00.003Z

Ég skellti mér í keilu um síðustu helgi ásamt 8 ára frænda mínum. Ég hafði ekki farið í keilu í langan langan tíma. Mér var brugðið þegar ég mætti í Keiluhöllina.

Það var diskókeila í gangi, og 55 mínútur kostuðu hvorki meira né minna en 4600 krónur!

Venjan var að borga fyrir leikinn, og leikurinn var þeim mun ódýrari eftir því sem maður spilaði fleiri. Það var eðlilegt system finnst mér. En með einokun að vopni er hægt að gera ýmislegt. En eitt veit ég eftir þessa ferð; ég mun ekki láta bjóða mér þetta aftur.

Keila er líka þannig leikur - maður vill bara vera tiltölulega rólegur, einbeita sér að hverju skoti og hafa það gott. Jafnvel grípa einhvern mat eða e-ð. En ekki með þessu fyrirkomulagi. Nú er keila orðinn stressandi og þar af leiðandi ekki jafn skemmtileg. Þar að auka eru bilanir/vesen ótrúlega algeng á þessum brautum sem stelur mínútum. Þetta er bara vont og ég mótmæli.

Annars var Keiluhöllin mun hörku kreppu-tilboð í gangi einhvern tímann um jólin minnir mig, sem ég að vísu nýtti ekki, en það væri gaman að sjá slíkt tilboð aftur.

Áfram keila.
Púúúú á einokun.

Njósnavélin órafmögnuð

2009-02-23T11:40:00.000Z

Ganga...

2009-02-11T21:31:00.006Z

Á föstudaginn í síðustu viku fékk ég þá hugmynd að ganga í kringum Elliðavatn. Það var fallegt veður, lyngt, sól og 3 stiga frost.

Þetta var mjög skemmtileg ganga. Gönguleiðir eru afskaplega vel merktar og svo eru fróðleiksmolar hér og þar um dýra- og plöntulíf. Á leið minni rakst ég kanínur, hesta og hund. Hundurinn gelti á mig eins og allir hundar gera.

Fljótlega breyttist áætlunin því ég mundi að það var ekki svo mikill detour að fara í gamlan yfirgefinn sumarbústað sem við félagarnir heimsóttum reglulega svona ca. árið 1990 - og höfðum áform um að gera upp bústaðinn og fleira. Ég tók því skarpa vinstri beygju, upp hlíðina.

Sú leið var ótroðin og nokkuð erfið yfirferðar, sem fékk mig einhverra hluta vegna til að hugsa um ljóðið The Road Not Taken. Það var á þessum slóðum, í þessari hlíð, sem við vorum eitt sinn eltir af lögreglunni, en það er önnur saga.

Ég fann bústaðinn strax og það var hörmung að sjá hann. Metnaðarfull vinna okkar á sínum tíma hafði ekki skilað miklu virtist vera. Ég tók myndir. Í kringum bústaðinn voru fótspor eftir dýr; hugsanlega ref.

Þegar þarna var komið sögu var ég að renna út á tíma, klukkan var 15:20 og ég var að fara í bíó í Smáralind klukkan 15:45 með Monsunum mínum. Ég tók því á 50/50 sprett/göngu að Salalaug þar sem ég hitti mæðgurnar.

Open Season 2 var ágæt, en gangan var betri.
Hátt í 10 km ganga.

Á mánudaginn fór ég svo í aðra göngu. Ég þurfti að komast útá pósthús í Hraunbænum og ákvað að labba, en tók smá twist.

Fyrst fór ég 70% umhverfis Rauðavatn, hið minna af The Great Lakes. Ég var með Ipod og var að hlusta á Fleet Foxes. Frábær plata. En þetta flækti málið aðeins, því eins og við vitum þá þarf fólk alltaf að heilsast um leið og það er komið út fyrir borgarmörkin (í þessu tilfelli norðan við Suðurlandsveginn, hinu megin við veginn hefði fólk ekki heilsast). Við Esju-göngumenn þekkjum þetta vel.

En ég er semt sagt að labba, með tónlist, og heyri ekkert nema tónlistina. Svo mæti ég manneskju sem mun líklega bjóða mér góðan dag. Ég þarf því að horfa í augun á manneskjunni og á varirnar til að meta hvort þetta sé "góðan daginn moment". Svo þarf ég einnig að passa mig að segja ekki "góðan daginn" of hátt. Þetta er tricky.

Þetta fékk mig einnig til að hugsa um atvik sem átti sér stað fyrir nokkrum vikum. Ég var í Kringlunni með Hörpu og KMH og ég mætti manni sem ég þekki svona aðeins, en samt ekki mikið, en ég fattaði ekki að hann væri þarna. Og við förum í rúllustigann rétt á undan honum án þess að ég taki eftir neinu óvenjulegu. Svo segir Harpa mér að hann hafi heilsað mér en ég ekki á móti, og þetta hafi litið út eins og ég væri að dissa gaurinn, sem var alls ekki meiningin. Ég tók mig því til og sendi þessu manni email og baðst afsökunar. Þetta var að naga mig.

Gangan var góð - það var enn betra veður en á föstudaginn og Fleet Foxes/Slumdog soundtrackið héldu mér í góðu stuði.

Ég dreif niður að stíflu, svo til baka og fór efri leiðina meðfram Fellahverfinu. Allt í allt rúmir 10 km.

Næsta ganga verður væntanlega að Reynisvatni og til baka.

Rif

2009-02-08T00:40:00.002Z

Men´s Health tímaritið hefur tekið saman lista yfir óhollasta matinn í Bandaríkjunum.

Á þessum lista hef ég eingöngu smakkað BBQ-rifin, en þau eru hvorki meira né minna en 3340 kaloríur! En þau eru helvíti góð.

Spurning með að taka bara hálfan rack næst.
En ég velti fyrir mér - í hverju liggja allar þessar kaloríur? Innihalda bein t.d. kaloríur?

Sannleikurinn

2009-02-08T00:27:00.002Z

Ég fór í leikhús í kvöld á Sannleikinn (-ann).

Ég varð fyrir gífurlegum vonbrigðum.
Ég bjóst við einhverju fyndnu og fersku, þó án þess að hafa neinar gífurlegar væntingar (væntingarstuðullinn var ekki nema 7,75 um fimm mínútum fyrir sýningu).

En þetta var rusl - skrifað af Sigurjóni Kjartanssyni og Pétri Jóhanni - tveimur mönnum sem ég hef mikið álit á. Pétur Jóhann reyndi sitt besta; söng meðal annars nokkra lagstúfa, tók köttinn (þreyttur), smá Ólaf Ragnar, en þetta var bara ekki að virka, því miður.

Hálf stjarna.

Davíð...

2009-02-03T16:01:00.003Z

Ég lagði mig aðeins áðan.
Í draumi hitti ég Davíð Oddsson og við ræddum málin. Ég spurði hann meðal annars hvort hann ætlaði að segja upp sem Seðlabankastjóri.

Davíð hugsaði sig um í andartak, setti upp strákslegt stríðnisglott og sagði "Nei."

Lakers...

2009-02-03T09:36:00.002Z

Ég er búinn að sjá flesta leiki Lakers á þessu tímabili og ég hlakkaði mikið til að sjá þá mæta Knickerboxers strákunum frá New York, en leikið var í Madison Square Garden í nótt. Þetta eru oftast skemmtilegir leikir, og Kobe hefur alltaf fundið sig vel í þessari höll.

Það var því með nokkurri eftirvæntingu sem ég settist niður klukkan 00:30 í nótt með kók með miklum klökum í glasi og saltstangir í skál.

Kobe, Gasol og Lakers voru heitir framan af og það stefndi augljóslega í eitthvað sérstakt. En nei nei nei, nettengingin mín dó um miðjan fyrri hálfleik, og það í fyrsta skipti, og ég gaf mér ca. klukkutíma í að reyna að laga málið, en ekkert gekk. Ég missti því af þessu - sem er leiðinlegt - og svo þegar ég vakna í morgun er tengingin komin í lag!

Til að gera langa sögu stutta þá unnu Lakers örugglega - Kobe skoraði 61 stig á 37 mín og setti met í höllinni. Við sjáum myndband:

Ólífur....

2009-02-01T23:37:00.000Z

Ég henti í eina pítsu í kvöld; fjórða tilraunin á steininum góða. Í þetta skiptið gerði ég grænmetispítsu.
Þetta var skyndiákvörðun og því henti ég bara á hana því sem var til í ísskápnum.

Minn helmingur var með tómötum, ananas, lauk og svörtum ólífum. Ég byrjaði að borða svartar ólífur fyrir svona ca. 1 ári síðan - fram að því þótti mér þær vera viðbjóður - en tímarnir breytast.

Fyrsta pítsan mín með ólífum var góð, en ólífurnar stálu eiginlega bragðinu af öllu hinu. Þjófóttar þessar ólífur.Ég var með hattinn góða við eldamennskuna, enda fagmaður.

Heilræði að lokum:
Ef sett er sítrónusneið neðst í krukku með ólífum, eftir að búið er að opna krukkuna haldast ólífurnar lengur ferskar og fínar.

Innovit...

2009-01-26T20:29:00.002Z

Núna er ég búinn að vera atvinnulaus í 2 mánuði, en samt er búið að vera nóg að gera meirihlutann af tímanum; ég er búinn að starfa sem þjónn, reka DVD-markað, halda frábær jól og afmæli og tekið til á heimilinu, geymslunni, tölvunni og kollinum --- en núna fer að koma tími þar sem er hætta á að ég detti í leti, aðgerðarleysi og rugl.

Ég er því búinn að vera að skoða möguleika með hugsanleg hlutastörf hér og þar (ég er með mjög opinn huga í þeim efnum) og/eða sækja einhver námskeið.

Það var því hressandi að sjá að Innovit eru að fara að halda seríu námskeiða. Þetta hljómar mjög spennandi og áhugavert, og ég er búinn að skrá mig.

Einnig sótti ég fund hjá Hugmyndaráðuneytinu núna á laugardaginn. Þetta var þriðji fundur félagsins, haldinn í kjallaranum hjá Domo, og um 50 manns mættu. Í þetta skiptið var verið að fjalla um hvernig hugmynd verður einhverju meira (í víðum skilningi) og fleira og fleira. Þarna voru meðal annars framkvæmdastjórar hjá CCP og Gogoyoko. Þetta er sem sagt fólk sem vill hittast og ræða lausnir en ekki eingöngu nöldra og tuða. Meira svona.

Svo kemur bara framhaldið í ljós.

Pizzasteinn

2009-01-25T23:27:00.000Z

Ég fékk pizzastein í afmælisgjöf núna á dögunum. Mjög góð gjöf sem á örugglega eftir að koma sér vel.

Ég prófaði steininn núna í vikunni (tvisvar reyndar).
Það er smá trikk að elda á þessu. Fyrst fer nefnilega steinninn inní ofninn og hann er hitaður. Svo þarf að koma pítsunni á heitan steininn, sem er smá vandamál þegar maður á ekki pítsu spaða.

Myndir:
1) Steinninn, glænýr og hreinn, tilbúinn í ofninn.
2) Pítsa með skinku, sveppum og kóríander á helminginn. Takið eftir að það er ekki ostur ofan á pítsunni. Ég setti nefnilega pítsuna á bökunarpappírinn, slatta af hveiti á milli, og svo þegar ég tók steininn út úr ofninn var slide-að pítsunni með hraði ofan á funheitan steininn og svo bætt ostinum ofan á. Þetta var smá vesen en tókst ágætlega.
3) Pítsan komin úr ofninum, ögn ofbökuð. Þetta hefði reyndar verið fínt ef þetta væri ekki á steini, en botninn varð pínulítið of stökkur.
4) Hér sjáum við undir pítsuna - mjög crispy, en aðeins og þykkur botn fyrir minn smekk. Annars bragðgóð pítsa.

Tilraun tvö tókst betur.
Þá gerði ég ostapítsu (mozzarella, camenbert, jalepeno-ostur), hafði botninn aðeins þynnri og breytti um stillingu á ofninum.
Ég mun halda áfram að gera tilraunir þangað til ég er sáttur - í framhaldi verður fólki boðið í mat og smökkun.

Púsl...

2009-01-25T01:48:00.000Z

Ég fékk 1000 stykkja púsl frá dótturinni í jólagjöf, sem vakti töluverða ánægju mína.

Þetta er svokallað Wasgij púsl, en í þeim púslum veit maður ekki hvað maður er að púsla, heldur getur einungis ráðið í myndina á kassanum sem sýnir bakhlið fólksins að hluta.

Myndir:
1) Púslið að kvöldi aðfangadags.
2) Púsli lokið - við erum stödd á veðreiðum og hestur borðar ávexti úr hatti konu einnar.
3) Púsl og kassi.

Vangaveltur:
a) Er gaman að púsla? Já.
b) Er það tímafrekt? Já.
c) Mæli ég með púsli? Tjah, ekki hvern sem er, og ég myndi ekki fara í meira en 1000 stykki, allavega ekki til að byrja með.
d) Eru trikk? Já, það eru alltaf trikk í öllu.
e) Mun ég blogga aftur um púsl í komandi framtíð? Nei, það er ólíklegt.

Góðar stundir.

Bækur

2009-01-22T17:55:00.004Z

Ég er búinn að lesa slatta að undanförnu.

1) Ég fékk Síðasta Fyrirlesturinn í jólagjöf. Ég hafði áður horft á síðasta fyrirlesturinn á netinu, og kynnt mér þennan gaur aðeins, séð viðtöl og þætti. Það var því fátt nýtt í bókinni. Ágætis jákvæðnislesning samt. Lífið og dauðinn.

2) Einnig las ég bókina Áður en ég dey. Önnur bók um dauðann, en öðruvísi. Mun sorglegri en samt ágætlega hressandi. Mjög góð bók.

3) Blikkkóngarnir. Þessa fékk ég í afmælisgjöf. Skuggalega beitt og skemmtileg bók um menn sem búa í húsum úr blikki. Meðmæli.

Næst á dagskrá eru svo Stríðsmenn Salamis.

Labb

2009-01-21T21:39:00.004Z

Ég fór í leiðangur í dag - markmiðið var að skoða nýtt hjól til að fjárfesta í.

Ákveðið var að ganga úr Norðlingaholtinu niður í Skeifu - sem er nýjung - og hlusta á ferska músík á leiðinni. Ég var vel búinn. Harpa spáði því að gangan tæki um 90 mínútur, ég var viss um að þetta tæki minni tíma, þó ég vissi ekki hversu langt þetta væri í kílómetrum.

Eins og myndin sýnir (klikkið fyrir stærri útgáfu) þá eru þetta 6,81 km ca. Gangan tók 57 mínútur sem er sæmilegur meðalhraði í hálku. Á ekkert að sanda göngustíga borgarinnar, ha Óskar Bergsson? Á leið minni mætti ég einum gangandi manni, hann var illa til fara og angaði af áfengi og tóbaksreyk. Einnig mætti ég manni á hjóli, en hann var greinilega vanur og hjólaði rösklega í hálkunni.

Á leiðinni var hlustað á tónlistina úr myndinni Slumdog Millionaire. Afbragðs soundtrack þar á ferðinni sem hressir mjög.

Stoppað var í GÁP, Erninum og Markinu. Ekki fannst hjól að þessu sinni, en von er á sendingu með götuhjólum snemma í marsmánuði. Í dag er götuhjóla skortur í landinu.

Úr Markinu í Ármúla lá svo leiðin uppí Kringluna þar sem ég hitti frúnna og við eyddum inneignarnótum hjá fyrirtækjum sem við teljum að gætu farið á hausinn fljótlega.

Fín gönguferð - vægi mikið - veður gott - mínusstig fyrir hálku.

Fokkings fokking fokk

2009-01-19T21:58:00.003Z

Kalt mat:
Liverpool eru búnir að kasta frá sér titilvoninni enn eitt árið eftir ömurlegt jafntefli gegn Everton á heimavelli. Vissulega er liðið með jafn mörg stig og Manu á toppnum, en þeir eiga leik til góða. En það er ekki stóra málið; spilamennskan er bara kjánalega léleg og sóknarleikurinn hugmyndasnauður.

Hauskúpur kvöldins: Skrtel og Keane.

Það er á svona kvöldum að maður þakkar fyrir að halda með Barcelona og Lakers líka. Svo við tölum ekki um Napolí.

Hringvegurinn

2009-01-19T14:36:00.002Z

Mér var að detta í hug að hjóla hringveginn í sumar - hugmynd sem er framkvæmanleg, en auðvitað ekki svo auðveld.

Þetta eru 1339 km.
Ef maður tæki 100 km á dag, þá væru þetta 2 vikur. Mér skilst að Íslandsmetið sé ein vika, en það er náttúrulega bara geðveiki. 100 km á dag er alveg raunhæft ef maður er í fínu formi, en svo eru auðvitað ýmis atriði sem þyrfti að meta.

Hjólar maður með tjald eða tekur maður bændagistingu?
Hversu stór factor er veðrið?
Getur maður skilið konuna eftir heima með 2 börn?
Verð ég kominn með vinnu?

Eitt er þó víst, svona ferð yrði erfið og skemmtileg um leið. Skoðum þetta þegar líður á sumarið.

30

2009-01-12T01:49:00.002Z

Það voru sálræn tímamót í gær þegar ég varð þrítugur. Tíminn flýgur áfram. Mér finnst eins og ég sé örstutt síðan ég hélt uppá tvítugsafmælið mitt í Fram-heimilinu gamla. Það var hörku partý (Jú-das).

En þetta var góður dagur. Ég bauð fjölskyldunni í mat (Suðræna Selfoss Súpu, uppskrift væntanleg) og fór svo á Sjávarkjallarann um kvöldið. Það er helvíti fínn staður. Örugglega í top-5 á Íslandi myndi ég halda. Frekari hátíðarhöld verða fljótlega.

Ég fékk mikið af hamingjuóskum sem skiptast ca. svona:
Facebook skilaboð (85%).
SMS (10%)
Símtöl (5%).
Ekki það að ég ætli að kvarta eða vera með nöldur, en mér finnst frekar súr þróun. Ég kann allavega ennþá betur að meta símtalið.

Slumdog Millionaire...

2009-01-01T14:20:00.003Z

Í ágúst 2007 las ég bókina Viltu vinna milljarð, og mér fannst hún alveg frábær. En núna er komin bíómynd, Slumdog Millionaire, og hún er betri en bókin, ólíkt t.d. Flugdrekahlauparanum (e. Kite Runner) þar sem bók var mun betri en mynd.

Klárlega besta mynd ársins 2008 - af þeim sem ég hef séð. Þetta er heillandi ástarsaga, saga um von og kærleika, sjálfsbjargarviðleitni og margt fleira.

Einkunn: Fullt hús.

Nýtt ár...

2009-01-01T14:17:00.002Z

Gleðilegt nýtt ár kæru vinir.

Ég er svona 80% viss um að árið 2009 verði býsna gott ár með fullt af spennandi hlutum og óvæntum tækifærum.

Ég verð þrítugur eftir 9 daga, og svo er von á barni númer tvö eftir svona 40-80 daga. Annað er ekki á dagskrá svo vitað sé.

DVD...

2008-12-18T23:27:00.002Z

Krissi er sá eini sem hefur látið sjá sig á DVD markaðnum góða á Korputorginu (af þeim sem ég þekki).

Hann gerði svakalega góð kaup, og nældi sér m.a. í The Golden Child á 799. Geri aðrir betur.

Það væri gaman að sjá fleiri.
Opið alla helgina til 22:00, og einnig opið á mánudag og þriðjudag.

Snúðarnir...

2008-12-18T23:26:00.001Z

Á morgun eru 2 vikur síðan uppskriftin fræga fór á netið.

Ég spyr því núna: Hverjir eru búnir að prófa, fyrir utan piparsveinana á Laugarveginum?

Frábært lag úr afbraðgs mynd...

2008-12-18T23:22:00.000Z

Auglýsing...

2008-12-14T23:33:00.002Z

Nú er Hagnaðurinn kominn í nýtt hlutverk...

Ég er farinn að selja DVD diska á hinum eina sanna Korpumarkaði.
Rosa gott verð og mikið úrval... tilvalið í jólapakkann í ár.

Opið alla vikuna frá 11-19 og einnig næstu helgi.

Allir að mæta!

Tiger Woods 2006...

2008-12-11T23:35:00.003Z

Ég er búinn að hafa svolítinn tíma á virkum dögum núna í atvinnuleysinu. Ég hef nýtt tímann vel, haldið heimilinu gangandi, þrifið, bakað, reddað hlutum o.s.frv.

Einnig hef ég spilað slatta af Tiger Woods 2006 í Playstation 2 tölvunni minni; reyndar eini leikurinn sem ég spila.

Í kvöld voru tímamót, þegar ég sjálfur, mitt golf-sjálf, Hauger Woods, búinn til af mér, spilaði golfhring á 49 höggum.

Þetta var á Pasatiempo vellinum í Santa Cruz. Leikið var á næstöftustu teigum í svokölluðu West Coast Challenge móti.

Já ég var heitur.
49 högg (22,27).
6 ernir (2 holur í höggi)
10 fuglar
1 par
1 skolli (á átjándu, smá ævintýramennska)

Mig langaði bara að deila þessu með ykkur. Segið svo að það sé ekki hægt að golf-blogga á veturna líka.

Golfblogg, bestu bloggin.

Kanilsnúðar...

2008-12-05T20:19:00.000Z

Ég hef bakað kanilsnúða í hátt í 20 ár, en er þó ekki enn orðinn þrítugur (verð það eftir rétt rúman mánuð). Uppskriftin er vel geymd á blaðsíðu 100 í gömlu uppskriftabókinni hennar mömmu, skrifuð niður af mér í kringum 1990.

Nú er kominn sá tími að ég deili þessari uppskrift með alnetinu. Vindum okkur í þetta.

Uppskrift (einföld):
2 tsk þurrger
1 dl volg mjólk
2 1/2 dl hveiti
1 msk sykur
1/4 tsk salt
25 smjörlíki (brætt)

Aðferð:
Blandið þurrefnum vel saman í skál. Bætið því næst mjólkinni og smjörlíkinu við.
Hnoðið vel saman. Látið svo hefast á volgum stað í 45 mín.
Fletjið svo út deigið (ca. brennibolti að stærð coverar eina plötu, 16 snúðar).
Hafið deigið ágætlega þykkt eða ca tvöfaldur þunnur pizzabotn.
Penslið svo deigið með bræddu smjörlíki (viðbót við það sem er í uppskriftinni) og dreifið svo kanilsykri yfir.
Deiginu er svo rúllað upp, nokkuð þétt, og svo skorið í sneiðar, ca. þumalfingur að þykkt.

Látið standa á plötunni í nokkrar mínútur og bakið svo við 200 gráður í svona 15-20 mín, eða þangað til snúðarnir eru orðnir Peter Andre brúnir.

Ég geri venjulega 6-8falda uppskrift. Áttföld uppskrift skilar ca. 60 snúðum.

Myndir:
Fyrst sjáum við mynd af tæplega 40 snúðum, með og án súkkulaði.
Á seinni myndinni sjáum við stærð snúðanna borið saman við mandarínu.

Trikk:
Reynið að fletja deigið út þannig að það verði ekki alveg hringur, heldur meira eins og egg, þ.e. að hæðin sé meiri en breiddin. Þannig næst lengri upprúllun og því stærri snúðar.

Munið að festa síðasta endann svo hann losni ekki of mikið frá snúðnum, þannig að þeir verði eins og öfugt 6 í laginu. Þið sjáið á myndunum að það hefur losnað pínulítið hjá mér.

Ekki pensla of miklu smjörlíki; bara nóg til að kanilsykurinn festist ágætlega.

Sjá einnig færslu um signature pizzuna mína.

Gangi ykkur vel og verði ykkur að góðu.

Hoppípolla

2008-12-02T23:43:00.001Z

Ég er að vinna í þessu....

Septet.

Contact info

2008-12-01T13:50:00.002Z

Ég vek athygli á nýju símanúmeri: 615-3483.
Vinsamlegast breytið.

Netfang: haukur [hjá] gmail.com

T.A.

Who moved my cheese?

2008-11-25T22:29:00.002Z

Síðastliðinn föstudag hætti ég störfum hjá Byr Sparisjóð. Ráðningasamningi mínum var að ljúka og hann var ekki endurnýjaður. Þessi niðurstaða kom lítið á óvart í ljósi aðstæðna á mörkuðum og ég skil sáttur við Byr. Ég er alls ekki fúll og í rauninni bara spenntur fyrir því að prófa eitthvað algjörlega nýtt...

Það er nefnilega þannig að breytingar eru oftast góðar. Ég var búinn að starfa við það sama í 4 1/2 ár, var búinn að mennta mig mikið í þeim fræðum, en var samt ekkert endilega á því að þetta yrði málið endalaust. Núna hefst nýr kafli í mínu lífi og vonandi verður hann jafn skemmtilegur og síðasti kafli.

*****************************************

Á föstudag mun ég hefja störf sem þjónn hjá Grand Hótel Reykjavík.

Ég leitaði sjálfur eftir því að starfa hjá hóteli og mér bauðst þetta starf. Ég mun vinna þrjár næstu helgar, föstudag og laugardag frá 16:00-02:00. Allir að mæta á jólahlaðborð!

Framhaldið verður svo að koma í ljós. Ég held að þjónusta við ferðamenn eigi eftir að koma vel útúr þessum þrengingum hérna heima og hver veit nema maður fái að taka þátt í því á einn eða annan hátt. Ég hef allavega engu að tapa og hlakka bara til að prófa þetta.

Jack Bauer er mættur aftur...

2008-11-25T22:26:00.003Z

Og það í sjónvarpsmynd (í rauninni bara tvöfaldur þáttur) sem heitir 24: Redemption.

Myndin gerist í Afríku. Jack er búinn að vera á ferðalagi síðan síðustu seríu lauk og þetta á að vera einhvers konar tenging milli síðustu seríu og þeirrar næstu, sem hefst í janúar.

Ég ætla að spara stóru orðin, en ég vona innilega að serían verði betri en myndin... segi ekki meir.

Lengi lifi Tony Almeida.

Sigurrós

2008-11-24T11:34:00.002Z

Ég fór á tónleikana í gær í höllinni.
Fjórir vel æfðir Sigurrósar drengir, sýning fyrir auga og eyra.

Algjörlega frábærir tónleikar, að venju. Þetta var best-of dæmi, fyrir utan Viðrar vel til loftárása. Það vantaði.
Setlistinn:

01 Svefn G Englar
02 Glossoli
03 Ný batterí
04 Fljótavik
05 Við spilum endalaust
06 Hoppípolla
07 Með blóðnasir
08 Inní mér syngur vitleysingur
09 E-bow
10 Sæglópur
11 Festival
12 Hafsól
13 Gobbledigook
---
14 All alright
15 Popplagið

Hápunktar:
Ný Batterí.
E-bow.
Sæglópur.
Hafsól.
Popplagið.

Það var eitt sérstakt.
Í Svefn-G-Englar söng Jónsi að venju "Aaa tjúúú úúú" og svo sagði hann e-ð á eftir. Þetta voru einhver skilaboð/áróður sem ég hef aldrei heyrt áður. Veit einhver hvað hann sagði?

Staukur...

2008-11-18T13:34:00.000Z

Hvað með staukur?

Nína...

2008-11-18T13:25:00.002Z

Ég fór í stúdíó á föstudaginn.
Tónlistarstúdíó Magga Kjartans, hvorki meira né minna.

Ég var með hópi úr vinnunni. Óvissuferð, strákar á móti stelpum, 5 on 5 einvígi í söngi og Maggi dæmir. Hljómar ágætlega á pappír.

Nema hvað, við mætum klukkutíma of seint og Maggi hefur eiginlega engan tíma. En það er samt slegið til, klárað málið.

Strákar fyrst, Draumur um Nínu, ooooooggg byrja.

Nú hef ég oft sungið Nínu, en líklega aldrei fyrr en eftir min(4 bjóra). Oft hefur mér jafnvel fundist að ég hafi sungið lagið vel, náð tóntegundinni og verið bara spot on bæði í söng og túlkun. En þá að stund sannleikans....

Við vorum ömurlegir á heildina litið. Málið var að við vorum nokkuð æstir og byrjuðum lagið í alltof hárri tóntegund og þegar leið á réðum við lítið við þetta. En þetta var gaman og vonandi þarf ég aldrei aftur að hlusta á upptöku af laginu.

Maggi Kjartans kom með ráðgjöf (eftir að við sungum). Hann sagði að þetta hafi verið alltof erfitt lag og í rauninni ekki margir sem geta sungið það vel, og hann gekk svo langt að kalla Stebba Hilmars eina af söngkonunum sínum.

Íslenskur Bond...

2008-11-14T10:08:00.001Z

Fyrirsögn

2008-11-14T10:03:00.002Z

Plan B

2008-11-06T13:51:00.003Z

Horfur á Íslandi eru ekki góðar næstu svona 2 árin, ef marka má Peningamál Seðlabanka Íslands sem komu út í morgun.

Þeir eru að sjá fyrir sér 10% atvinnuleysi á næsta ári (17-18 þús manns), 23% ársverðbólgu í upphafi árs 2009, veikri krónu (Evran í kringum svona 130 skv grunnspá) og að húsnæðisverð lækki að meðaltali um 28% að nafnverði frá 2007-2011 (40% raunlækkun). Á sama tíma er gert ráð fyrir óverulegum launahækkunum.

Þetta er ljót spá.
Skv þessu mun meirihluti landsmanna sem á íbúðarhúsnæði skulda meira í íbúðinni en hún kostar. Það er ekki gott. Ég mun verða einn þessara manna, og er í rauninni þegar orðinn það. En hvað er til ráða?

**********************

Ég er enn með vinnu, konan líka, krakki í leikskóla og annar krakki á leiðinni, og við erum vel menntuð og allir með góða heilsu. Allt í góðu á pappírunum. En það getur breyst, og í rauninni heimskulegt að velta ekki fyrir sér plani B.

Ég hef áður búið í 3 ár erlendis á meðan ég var í námi og líkaði vel, og ég get vel hugsað mér að búa í öðru landi. En hvert væri best að fara? Fyrst koma upp í hugann Svíþjóð og Danmörk, og þar líst mér betur á Svíþjóð einhverra hluta vegna. Einnig hefur Holland alltaf heillað mig. Lengra í pælingunum er ég ekki kominn. En já, landflótti er ekki útilokaður í mínum huga, og ég myndi halda og svona 20þús manns plús væru einnig að pæla í þessum málum.

Hvað segið þið, er e-ð plan B?

Upprifjun....

2008-10-30T15:47:00.002Z

Budweiser Wassup - Click here for more amazing videos

----- 8 árum seinna -----

Wassup 2008 - For more amazing video clips, click here

Good Times....

2008-10-20T13:12:00.002Z

a) Napolí í toppbáráttunni á Ítalíu. Bestu leikmenn? Pass.

b) Barcelona að hitna á Spáni. Taplausir í síðustu 6 leikjum (5-1-0). Þrjú stig í toppinn. Barca verða meistarar í vor, það er loforð.

c) Liverpool á toppnum í Englandi, reyndar í öðru sæti á markamun. Meistarar í vor? Ég get engu lofað. Ég skal segja ykkur það 1. janúar.

d) NBA deildin fer að byrja og Lakers eru til alls líklegir. Liðið verður ógnarsterkt í ár, og ef það verða engin stórkostleg meiðsli eða aðrar hörmungar, þá lofa ég titli í júní á næsta ári.

Ástandið...

2008-10-08T14:19:00.002Z

Þetta er nú meira ruglið, dag eftir dag...

Singing bee...

2008-09-27T22:54:00.002Z

Sæmilegasta hugmynd, en útfærslan ekki alveg nógu góð. Það vantar herslumun, betri host í stað Jónsa og meira tempó. Buffið er samt gott, og þá sérstaklega söngkonan.

Ég hugsa að ég horfi ekki aftur.

Heimatilbúin þríþraut...

2008-09-16T16:21:00.003Z

Ég tók létta þríþraut á laugardaginn ásamt Ommadonna (WACC).

a) Synt 700 metra í innilauginni í Laugardal.
b) Hlaupið 5 km á hlaupabretti (yfir Liv-Manu).
c) Hjólað 12 km.

Heildartíminn var um 65 mínútur.

********************

Til samanburðar var Malibu þríþrautin haldin um helgina:
800 metra sund.
29 km hjól.
6,4 km hlaup.

Jennifer Lopez kláraði á 2:23.
Matthew McConaughey kláraði á 1:43.
Sigurtími karla: 1:18.
Heimild.

Sjálfur myndi ég allavega stefna á:
Sund: 12 mín
Hjól: 60 mín (miðað við engar brekkur)
Hlaup: 30 mín
Samtals: 1:42

Það dugar í að sigra Matthewinn.
Kannski að maður prófi þetta einn daginn.

Froskalappir...

2008-09-16T16:11:00.004Z

Ég er búinn að synda alla daga vikunnar undanfarnar 6 vikur.
Ég hef verið að fara þetta 500-1000 metra á dag, og það hefur tekið ágætlega á. Kílóum hefur fækkað nokkuð og ég er í góðu formi.

Í dag keypti ég svo froskalappir hjá Aqua Sport, hérna í Hamraborginni.
Svona froskalappir (sundfit) kosta 3500 kr.

Í dag synti ég svo 1600 metra, með nýju sundfitin.
Það er álíka erfitt líkamlega að synda 1600 með sundfit og að synda svona 800 metra án þeirra. En hafa verður í huga að ég synti svona 90% skriðsund með sundfitin, en án þeirra er ég að synda 50/50 (skriðsund/bringusund).

Sundið er samt betra finnst mér. Átökin við að halda sér á floti og að halda réttri öndun eru minni, og ég held að þetta sé betra fyrir líkamann.

Skemmtilegir strákar...

2008-09-08T12:18:00.001Z

Hverjir?

Jú, Sigurrósar drengirnir auðvitað.

Þríþraut...

2008-09-04T14:27:00.004Z

Ég hjóla, syndi og hleyp flesta daga. Þríþraut gengur einmitt út á þessar íþróttir.

Ég fór aðeins að skoða ýmsar þríþrautarkeppnir og þar er náttúrulega Iron Man þríþrautin lang merkilegust.

Í henni byrja menn á að synda 3,8 km, hjóla svo 180 km og enda á að hlaupa maraþonhlaup (42 km). Þetta er náttúrulega geðveiki.

Mesta geðveikin er hins vegar tíminn sem þetta tekur.

Luc Van Lierde, Belginn snjalli, á besta tíma sögunnar: 7:50:27

Sund: 44 mín

Hjól: 4:28

Hlaup: 2:36

Þetta er með ólíkindum hratt og gjörsamlega fáránlegt að menn geti verið í svona góðu formi. Setjum þetta í smá samhengi.

Heimsmetið í 1500 skriðsundi karla er 14:36, eða 103 metrar á mínútu. Luc fór hins vegar 86 metra á mínútu að meðaltali. En hann synti náttúrulega lengra og í sjó.

180 km er svipað og frá Reykjavík að Vík í Mýrdal. Meðalhraðinn á Luc var rétt um 40 km/klst. Sjálfur hjólaði ég Hvalfjörðinn í sumar, 104 km og tók það 4:20. Meðal annars var farið niður brekkur og var þá hraðinn í kringum 40 km/klst. Það er hratt á hjóli.

Heimsmetið í maraþonhlaupi er 2:04. Það að vera hálftíma lengur en það, eftir að hafa synt 3,8 km OG hjólað 180 km, það er helvíti gott. Fyrir okkur sem hlaupum stundum á hlaupabretti (og aðra) þá þýðir það meðalhraða uppá 16,15. Þegar ég er á brettinu, þá er hraðinn 16 eiginlega sprettur.

Þvílíkir íþróttamenn.

Brúðkaup

2008-09-02T09:57:00.002Z

... ég fór í svaka fínt brúðkaup um helgina.
Sigga Pé og Torfi Páls gengu í hjónaband.

Hápunktur kvöldsins var klárlega brúðkaupsdansinn. Fyrst tóku þau vals, sem var greinilega vel æfður og svo joinaði annað fólk í smástund. Svo var sagt "heyrðu, myndirnar klikkuðu e-ð í valsinum áðan, við þurfum að taka hann aftur."

Þá gerðist ca þetta, sama lag og svipuð move.

Gló...

2008-08-29T13:37:00.002Z

Ég fór á veitingastaðinn Gló í hádeginu í dag. Þetta var mín fyrsta ferð þangað, og alls ekki sú síðasta.

Ég fékk mér Thai sjávarréttarsúpu, gróft brauð með og sítrónuvatn. Ábót fylgir. Þetta var rosalega gott og verðið sanngjarnt, 1250 kall.

Þetta er huggulegur staður, þjónustan til fyrirmyndar og bara allt eins og best verður á kosið.

Einkunn: 9,5.

Velvakandi...

2008-08-25T12:35:00.003Z

Árið 1999 söng Selma eftirminnilega "All out of luck" í Jerúsalem, og landaði silfrinu. Guð blessi móðurina sem ól þá stúlku.

Merkilegra var þá að Daníel Traustason var henni til halds og traust og hreinlega dansaði hana uppí annað sætið með fimum sporum í matrix-síðum frakka.

Næsta vor er einmitt 10 ára afmæli frakkans, og hver veit nema hann verði dreginn fram á þeim tímamótum.

En á þessum tíma var ég á hápunkti velvakanda-skrifa minna. Ég skrifaði um mörg mikilvæg málefni, s.s. listadans á skautum, hundaskít, og dans. Hér er þessi mikilvæga grein.

‘Inní mér syngur vitleysingur’ - Official Video

2008-08-20T21:54:00.001Z

‘Inní mér syngur vitleysingur’ - Official Video

Á silfur-á
Lýsir allan heiminn og augun blá
Skera stjörnuhiminn
Ég óska mér og loka nú augunum
Já gerðu það, nú rætist saga
Ó nei

Á stjörnuhraða
Inni í hjarta springur, flugvélarbrak
Oní jörðu syngur
Ég óska mér og loka nú augunum
Já gerðu það, lágfara dans
Allt gleymist í smásmá stund og rætist samt
Opna augun
Ó nei

Minn besti vinur hverju sem dynur
Ég kyngi tári og anda hári
Illum látum, í faðmi grátum
Þegar að við hittumst
Þegar að við kyssumst
Varirnar brenndu, höldumst í hendur
Ég sé þig vakinn
Ég sé þig nakinn
Inní mér syngur vitleysingur
Alltaf þið vaða, við hlaupum hraðar
Allt verður smærra
Ég öskra hærra
Er er við aða, í burtu fara

Minn besti vinur hverju sem dynur
Illum látum, í faðmi grátum
Ég kyngi tári og anda hári
Þegar að við hittumst
Þegar að við kyssumst
Varirnar brenndu, höldumst í hendur
Ég sé þig vakinn
Ég sé þig nakinn
Inní mér syngur vitleysingur

Fimleikar...

2008-08-20T21:39:00.003Z

Ég er búinn að fylgjast nokkuð vel með Ólympíuleikunum; handboltanum, körfunni, frjálsum, sundinu og fimleikum líka. Fimleikarnir voru ekkert rosalega skemmtilegir og engin snilli.

En hér eru tvær fimleikaæfingar uppá 10. Þetta eru ótrúlegar æfingar, sérstaklega sú seinni.

Fleiri frábærar klippur hér hjá Kottke.

Furðulegt fólk...

2008-08-20T10:27:00.000Z

Þetta er alveg mögnuð grein.

via

Hummer

2008-08-14T10:52:00.002Z

Kolbrún segir allt of mikið vera
um það að fólk sveigi reglur til að
fá frí stæði. Með breytingunum
verði komið í veg fyrir það. Hún
er einnig mjög ánægð með að
hömlur verði settar á að ákveðnar
tegundir bifreiða fái kortin.

„Hummer er til dæmis of langur í
bílastæði í þessum þröngu götum
og tekur auk þess tvö slík. Ef við
ætlum að vera með miðborg með
nítjándu aldar götumynd þá er
ekki pláss fyrir svona bíla.“

Þetta segir framkvæmdastjóri bílastæðasjóðs. Heimild, forsíða 24 stunda í dag.

Hvað er hægt að segja um svona rugl?

Nú er ég enginn sérfræðingur í 19. aldar götumynd Reykjavíkur, en hvað er eiginlega verið að tala um mörg hús? Á Íslandi bjuggu að meðaltali 60.668 manns að á Íslandi á 19. öldinni, og voru líklegast flestir bændur eða sveitafólk. Segjum að 20 þús manns hafi búið í Reykjavík og þeir hafi byggt hús. Hvað ætli mörg þeirra standi enn? Ég skýt á 20 stykki.

Og það má ekki leggja hummer í miðbænum útaf þessum fokkings húsum. Það er langt síðan ég hef heyrt annað eins rugl.

Sund

2008-08-12T10:05:00.003Z

Núna er ég búinn að hjóla í vinnuna fjóra daga í röð. Þetta fer að detta í venju, og núna er ég byrjaður að synda líka.

Um daginn var ég nær dauða en lífi eftir að hafa synt 200 metra, en ég er allur að koma til. Í gær synti ég 300 metra og í morgun tók ég 500 metra.

Það er fínt að synda í Kópavogi.
Kópavogslaugin býður uppá 50 metra útilaug og 25 metra innilaug. Ég kann betur við mig inni. Það sem hefur breyst í síðustu skipti sem ég hef synt er að rythminn er betri, ég er kominn með sundgleraugu og núna syndi ég í Björn Borg sundbuxum. Stuttbuxur hægja full mikið á manni.

Ég er samt aðeins að stöggla með skriðsundið, en það kemur. Núna fókusa ég svona 90% á bringusund. En það er víst slæmt fyrir hnéð á mér, svo núna verð ég að fara að harka af mér.

Svo er skellt sér í pottinn og gufuna á eftir. Það er fátt betra. Ég ríf niður meðal-aldurinn, býð góðan daginn og hlusta á heitu-potta-speki.

Golf í dag...

2008-08-12T09:55:00.001Z

... og það ekkert smá holl!

Hagnaðurinn, Biggington, Keðjan og Stiftamtmaðurinn.

Setbergið, 18:30.

Þetta verður eitthvað.

Athyglisverð mynd....

2008-08-11T22:02:00.003Z

Heimild.

Hjólað í vinnuna - leiðbeiningar

2008-08-08T21:21:00.004Z

Ég er byrjaður að hjóla aftur í vinnuna, og það á nýja vinnustaðinn. Það er hins vegar einn stór ókostur; það er ekki sturta í húsinu, þrátt fyrir að það sé splunkunýtt.

Þetta leysti ég með því að kaupa mér kort í sundlaug Kópavogs. Þetta kallar hins vegar á gífurlegt skipulag.

Dagur 1:
a) Ég hjóla úr Norðlingaholtinu í sundlaugina. Það tekur á bilinu 17-21 mínútu, eftir vindátt.
b) Jakkafötin, skyrta, skór, nærföt og sokkar eru í stórum bakpoka. Gott og vel. Ég sturta mig, fer í fötin og rölti uppí vinnu (4 mín labb).
c) Eftir vinnu skipti ég aftur um föt - uppí vinnu - fer í semi-illa-lyktandi íþróttafötin, skil jakkafötin eftir og skóna, tek með mér skyrtuna heim. Labba niðrí sundlaug og hjóla heim.

Dagur 2:
a) Núna er ég með jakkaföt og skó niðrí vinnu. Ég þarf því ekki að taka það með mér.
b) Hérna flækist hins vegar málið eilítið. Þar sem ég svitna á leiðinni, þá þarf ég föt til að fara í þegar ég labba úr sundlauginni og uppí vinnu. Það kallar líka á skópar, því ekki vil ég fara í illa lyktandi íþróttaskó í hreinum sokkunum. Það eru því þrjú skópör í gangi: íþróttaskór, ganga-á-milli-skór og vinnuskór. Einnig þarf ég hreina skyrta þar sem ég tók skyrtuna með mér heim á degi eitt. Þið haldið þræðinum.
c) Vinnudegi lýkur, skellt sér í semi-illa-lyktandi íþróttafötin, föt+skór eftir (nei, skór teknir með heim, brúðkaup á morgun), skyrtan og ganga-á-milli fötin tekin með heim.

Dagur 3 (mánudagur):
a) Dagur 2 myndi auðvitað ganga upp endalaust ef ég gæti alltaf verið í sömu fötunum. En það er viðbjóður.
b) Á mánudaginn þarf ég því að taka með mér ný jakkaföt (og auðvitað skóna sem ég tók með mér heim), fara í þeim á milli sundlaugar og vinnu, og taka svo "gömlu fötin" heim.
c) Þá er ég í rauninni aftur kominn á skipulag dags tvö.

Ég setti hraðamet á þessari leið í dag. Hjólaði þetta á rétt rúmum 17 mínútum, eða fjögur fyrstu lögin á með suð í eyrum plús rétt byrjunin á lagi fimm. Ég hugsa að þessi fjögur lög séu með því allra hressasta sem heyrist í tónlist í dag. Er til e-ð meira hressandi en Sigurrós?

**************

Golfblogg, bestu bloggin:

Ég spilaði Bakkakotið fyrir nokkrum dögum, í fyrsta sinn í mörg mörg ár. Kúkavöllur. Ég spilaði 9 holur, var ömurlegur, paraði samt þrjár og fékk einn fugl. Með í för var Ommidonna. Hann fór með sigur af hólmi, sanngjarnt. Ég náði hins vegar næstum því að gera þetta spennandi. Með þrjár holur eftir leiddi hann með þremur holum. Ég kláraði með par-fugl-par. Það dugði samt bara í eina holu til baka.

Á sunnudagsmorgun fór ég svo á Korpuna. Mót.
Ég/Óli vs. Ommidonna/Reynir handboltamarkmaður.
Það er skemmst frá því að segja að ég átti ekki eitt gott golfhögg á þessum 18 holum. Ekki eitt. Núll green í regulation. Núll pör. Óli var ekki mikið betri, en þó skömminni skárri.

Ommidonna og Reynir spiluðu hins vegar glimrandi vel og röðuðu inn punktunum. Öruggur sigur hjá þeim.

USA Basketball

2008-08-08T09:52:00.000Z

RÚV sýnir eftirfarandi leiki með bandaríska landsliðinu í körfubolta:

Sunnudagur 10. Ágúst
14.10 Körfubolti karla, Kína-Bandaríkin beint

Fimmtudagur 14. Ágúst
12.35 Körfubolti karla USA – Grikkland 11.50-13.45, seinkað

Laugardagur 16. Ágúst
14.40 Körfubolti karla Spánn-USA seinkun 20-30 mín

Sjá nánar hér.

Þríþraut...

2008-08-06T22:33:00.003Z

Ég ákvað að skella mér í ræktina í kvöld, og bjó til þríþraut (hugsanlegt réttnefni gæti verið fjórþraut).

1) Hjólað úr Norðlingaholtinu í Laugar, vegalengd 8,7 km.
2) Hlaupið 3,5 km á hlaupabretti, tæpar 20 mín.
3) Synt 4 ferðir í lauginni, alls 200 metrar.
4) Hjólað til baka.

Það merkilega við þetta allt saman er að sundið var lang lang lang erfiðast.
Í gamla daga í skólasundinu var ég ágætur, náði fínum tímum og svona. En touchið var alveg farið og úthaldið ekkert. Svo var ég alltaf að hlífa hnénu á mér og gat ekki ákveðið mig hvort ég ætti að synda bringusund eða skriðsund. Skriðsundið er mun erfiðara, en ég hef á tilfinningunni að bringusund fokki upp á mér hnénu. Þarf að leita ráða með það.

En þetta var skemmtilegt.
Það er fyrir öllu.

Næst stefni ég á 5 km hlaup og 400 metra sund, og auðvitað 17,4 km hjólreiðar.

Góðar stundir...

2008-08-06T14:32:00.001Z

... og nokkrar til viðbótar

2008-07-31T22:50:00.000Z

Markús frændi í Svíþjóð er í heimsókn á landinu. Fyrir helgi var farið að horfa á Brúðubílinn í Árbæjarsafni, og grill á eftir.

Hér eru 4 myndir:
1) Heiða nágrannastelpa, Monsan og Þórey Hildur frænka.
2) Lísa frænka.
3) Lísa frænka grallari.
4) Lísa, Þórey, Monsa og Lína frænka.